انا كمان مفكره اخذ بس سيمنار لانو مافي اداوم سبت واثنين وربوع
اش رايك دايخه ينفع اخده وانا مااخدت مناهج بحث >>لاني استغربت ماهو متطلب له الا اللغويات
كيف يعني كلميني عنه تورزيع درجات البحث كم صفحه مواضيعه محصوره في ايش وهل مكتبة الكليه كفايه ولالازم مصادر او مكاتب تانيه وو..الخ
وتتوقعي يسمحولنا احنا بنات 09 ناخده >>مااتوقع
|
هلا والله جووودي ؛؛
بالنسبه للسيمنار ؛؛ مناهج البحث هيّ الاساس ؛؛ انا مستغربه انو اللغويات متطلبها ؛؛
كلللو يعتمد عالمعلومات اللي درستيها في مناهج البحث ؛؛ يعني افتكر من بداية الترم ؛؛ ومن أول محاضره دخلت علينا الدكتوره ؛؛ قالتلنا مافي شي جديد عليكم ؛؛كلو اخذتوه في مناهج البحث ؛؛ يعني مافيه شرح ولا شي ؛؛ كلو يعتمد على معلوماتك اللي اخذتيها في مناهج البحث ؛؛
بس هيّ مهمتها انها تتابعك وتوجّهك واذا فيه شي مستصعب عالكل تحاول تشرحو لنا ؛؛
يعني ضرووووري تاخذي مناهج البحث لأنو البحث لو فورمات معين ابتداء من حجم الخط الى ترتيب الصفحات الى طريقة الكتابه وكتابة المراجع ؛؛
بالنسبه لتجربتي في السيمينار ( صح كانت متعبه بس والله في النهايه مررررررره ارتحنا) وحسينا نفسنا فخورين باللي سويناهـ ..
كان في القاعه حوالي 22 طالبه ؛؛
أول محاضره ؛؛ شرحتلنا ايش المادهـ ؛؛ وتقسيم الدرجات ؛؛ والمواضيع اللي لازم نختارها .
المواضيع كانت عن اي شي في اللغه ؛؛ يعني من ال field اللي سبق اخذتيها او مااخذتيها phonology , semantics ,syntax , sociolinguistics , pragmatics ,
psycolinguistics
طبعا تعطيك وقت تختاري ؛ افتكر اسبوع ؛ تروحي وتبحثي عن موضوعك وتشوفي المراجع كافيه ولا لا ؛؛
بعد ماتختاري الموضوع وتثبتي عليه لأنو فيه بنات نوصل الاسبوع الثالث وهما باقي يغيروا في المواضيع ؛؛ فلازم تختاري موضوع ترتاحي فيه من البدايه ؛؛
بعدين تبدأ تقولك اقعدي اقري ؛؛ فقط اقرأي ؛؛
وتبدأي بعدين تكتبي الاوبجكتفز ؛؛ يعني اهدافك من البحث والثيسز ستيتمنت ؛؛
وبعد مايكون عندك نظره شامله ؛؛ تطلبك تسوي الاوت لاين ؛؛ وهذا الاوت لاين ممكن يتغير لما تبدأي تكتبي البحث يعني ممكن تضيفي اشياء وتشيلي اشياء ؛؛ يعني مو ثابت بس هو الاساس اللي بتبني عليه بحثك ؛؛
ولما تبدأي تكتبي بحثك تبدأ تتابعك وترشدك ؛؛
بالنسبه لتقسيم الدرجات :
10 عالفايل
5 عالاوت لاين
5 تيكنق نوتس
10 اختبار في التيكنق نوتس
10 اختبار في الكوتيشن وشي ثاني نسيته بس كان حلو
5 عالمشاركه معاها في القاعه ومناقشتها
اتوقع كذا التوزيع ناسيه بالضبط كيف بس المهم مجموعها 45 درجه ؛؛ اذا مشيتي معاها واجتهدتي تاخذيها وترتاحي
يبقى 35 درجه عالبحث
20 عالمناقشه
عدد صفحات البحث 20 وفوق تبدأمن البودي يعني بدون ماتحسبي المقدمه والغلاف والاهداء والاشياء دي ..
بالنسبه لمكتبه الكليه بصراحه مافادتني ولا في شي ؛؛ يمكن موضوعي مالو كتب ؛؛ بس حتى سمعت بنات يشتكو كمان ؛؛ يعني كتبها مررره محدوده ؛؛
بصراااحه اللي فادني كثير google book يعني اغلب بحثي من الكتب اللي في النت مررره فادتني ؛؛ والدكتوره كمان الله يجزاها خير ساعدتنا واعطتنا من كتبها ؛؛
وبس
اذا عندكم اي استفسار ثاني انا في الخدمه
