[white sugar]

انا عن نفسي ادي كاش في الوجه
في وحدة اول ما دخلت القاعة خشت عرض فيا على طول كانها تعرفني من زمان
استغربت منها وسكت .. وجات جلست ورايا
كل شوية تنطلي بهرجة مدري ايش حكايتها .. انا جالسة اراجع في البابين الاولى كان عندنا امتحان في الثقافة 2
وتلقط هرج اللي في اخر القاعة وتجي تقلي اسمعي .. ترى اللي ورا قالوا كدا كدا كدا ...
اقوم انا اهزلها راسي واقلها طيب .. من جد! .. والله؟! بعد ما طفشتني قلتلها تراكي بتلهيني وانا ابى اركز في مراجعة البابين الاولى وانتي بتتكلمي في اخر الكتاب .. قامت قالتلي اه سوري
جابتلي الجنان .. لا ويا ريت فهمت
يوم بدات القاعة تتملى سارت كل وحدة تقول للتانية اجلسي هنا ولا تجلسي هناك .. وجا الدور عليا وحدة من البنات تقلي غيري مكانك .. قلتلها لاحبيبي انتي مكانك غلط ولو تبوا تجلسوا جمب بعض اجلسوا لانوا اساسا النماذج مختلفة انا ما حغير مكاني
الا تنقز اللي ورايا فنص الهرجة وتقول على فكرة ترى النماذج نفسها بس يلخبطوا مكان الفقرات
هنا فهمت ايش ورى الهرج الكتير حقها .. قمت قلتلها عادي ما تفرق انا من الاساس لا اغش ولا اغشش
قامت قالتلي ليش قلتلها بس كدا ، ضحكت ودارت وجهها على اللي جمبها وطول الاختبار وانا سامعتهم يغششوا بعض

فلا تصدقوا انوا مافي بنات يغشوا تراهم مليانيييييين ، على قولتكم انا اكرف وازاكر واسهر واتعب واخر شي تجي
وحدة ما فراسها تنقل الحل كله بارد مبرد مع نفسها بقوة