رد: اخواني نسبتي تدخلني طب او لا
اممممم ان شاء الله صاحب الموضوع ينقبل في الطب و كل اللي نفسهم يدخلو
يعني شوف نسبتك مرااا مراا مراا حلوة
و لو تقارنها بالسنة اللي فاتت بالرااااحة تدخل
بس مني اللي شايفو كأنو دفعتنا نسبتها مرااا عالية
انا الحمدلله الموزون الخاص حقي حيدخلني المفاضلة
و العام حقي 92
و مراا شايل هم ما انقبل في الطب
و انا مع كلام ماجد انو اتوقع الموزون دي السنة حيكون اعلى من السنة اللي فاتت
و دا مو بس تخمين
بس على كلام الدكاترة اللي درسونا
انو من اول ما سوو حاجا اسمها سنة تحضيرية احنا احسن دفعة جاتهم !!
ف الله يستر
----------------
ثاني حاجا برضو كلام ماجد صح في حكاية البونس حق البنات
هوا احنا مالنا دخل
و محا ينقص من عمرنا شي لو ادوكم بونس ولا ما ادوكم
يعني الاحصاء مثلا ادوكم بونس
و احنا قالو في بونس درجتين و ما شوفناها
و قالو اللي مثلا جايب 89 نديه 90 لانو مراا قريب من ال a
و اللي جايب 84 نديه 85 و كدا ...
و انا جايب 94 ولا شوفت نص درجة حتى
و الكيميا ما ادونا بونس
و الرياضيات الترم اللي فات الطلاب تعبو و حلو الاون لاين و اخر حاجا ما شافو ولا درررجة !!
بعدين زودوهم مو عشان بونس
بس عشان كانت نسبة الرسوب كبيرة
اما انتو بتاخدو بونس عالاون لاين يعني تعبكم ما راح عالفاضي
حتى لو ادوكم نص درجة
و تالت حاجا الفيزيا
انتو عندكم اسئلة اضافية
و ماتوقع اسئلتكم جات زي اسئلتنا
الله يسامح منسق المادة
و حتى لما رحنا اعترضنا و سوينالهم قروشة في الكلية برضو ما سوولنا حاجا
و في الاخير ادونا 4 او 5 درجات بونس
هيا اوكي حلوة
بس مرااا ظلمونا مقارنة باللي اخدو فيزيا الترم اللي فات
مراااااااا فرق 180 درجة بين اسئلتنا و اسئلتهم
-----------------
انا ما قولت دا الكلام حسد ولا زعل ولا اي حاجا زي كدا
بالعكس والله مرااا كويس انو بيراعوكم
و فرحان لكم والله ( حب لاخيك ما تحب لنفسكم )
بس كتبت الكلام دا عشان مرا مالو داعي المقارنات
و مين اخد بونس اكثر و مين ماعرف ايش و الكلام الاهبل دا
و اسف لصاحب الموضوع عشان طلعنا عن الموضوع الاساسي :$
و ان شاء الله ربي يكون كاتب لك و لنا ندخل طب و في الفرع الرئيسي كمان
و تجي تفرحنا
و تعزمني على اي مكان عشان تصير الفرحة فرحتين هههههههه
|