رد: اين يقع مبنى 26
قسم بالله ياانا اخذتها ماراثون على كيف كيفكم اليوم ... وقفت سيارتي عند مبنى 44 ونزلت على رجولي يوم وصلت المبنى الا واناظر الملصق على باب المبنى مكتوب الاختبار 26
وتعال شوف اللخبطة باقي ثلث ساعه ع الاختبار ... وامشي لحد مبنى 125 قام قالي السيكورتي مبنى 26 مو هنا وجلس يوصفني .. وقتها حسيت سوق الصواريخ اقرب لي هو يوصفني وانا دمعتي على خدي وانقلب الوضع بكائي ... وانا انتظره يخلص ومافيه امل ماسك خط .. كلها عشان اسأله سؤال واحد بس :: اروح مشي والا بالسيارة ( وفي قلبي اتمنى مايقول بال كاب سيارة ) وفعلا قال بالسيارة ... تعال شوف التحطيم !! وقتها جالس افكر اروح اقرب مستوصف واخذ لي اي عذر للاختبار من جد حسيته بعيد المبنى ومتى راح اوصل خخخخخخخ
المهم تركت كلامه ومشيت على رجولي مشي الله لايوريكم وادخل في اماكن ظلمى واحصل لي واحد مسكين لابس كاب وماشي .. اقوله ايش عندك قال مناهج بحث قلت خلنا نمشي سوى
المهم نمشي وظلام دامس مع حفريات وواشجار حسيت نفسي في غابه ومن كثر المشي تذكرت برنامج كان يجي على قناة ابو ظبي .. ناس يدورون كنز خخخخخخخ
طبعا انا بحكم اني استفردت في الرجال مسكين وتبهذل معي . قمت اسولف له عن الدكتور فلان وفلان والرجال ماسك معي خط يجاملني ويضحك << ( في الاخير طلع تخصصه اعلام واختباره مناهج بحث ) ياانا رحمته هههههه
ولما وصلنا المبنى انحسنا حوسة الساعه صارت 8 وعشر وماندري اي قاعه لا وصار عددنا خمسة وكلنا مو عارفين رقم القاعه ( واحد من اللي كانو معانا يقول والله دخلت القاعه وسالت الدكتور وش الاختبار قال مناهج بحث , يقول جلست واعطوني ورقة التظليل واعبي بياناتي ولما خلصت جاء يوزع الاسئلة الا والله الاسئلة مكتوبة بالعربي !! يقول انصدمت ورميت الورقة وقلت لهم انا غلطان في القاعه برررب ههههههههههههههههههههههههههه )
المهم ونسأل ماخلينا احد وكل واحد يقول ماادري .. واخر شي حصلنا سوبر هندي .. قال ايوااااا انا معلوم هذا قاعه فوق !!
طلعنا فوق وكل مادخلنا قاعه يقولون مو هنا الاختبار ولا ندري فين اختباركم .. وقوة التحطيم لما قال لنا دكتور دراسات اسلامية بحكم اختبار اصول الفقه : مناهج بحث انجليزي ؟؟؟ يابويا روح قسم الاداب هناك ايش جابك هنا !!!@!@!
حسيت اني منهاااااااار بجد ....
بس ربي رحمنا بواحد من اللي معانا قال بتصل في واحد يعلمنا رقم القاعه وفعلا تيسرت اخر شي نزلنا تحت ودخلنا الاختبار 8 وربع وكويس خلونا نختبر توقعت يقول تعال الترم الجاي
والاختبار كان معقول .. ربك يسرها
تحياتي
|