[الملاك الأبيض]

الحمد لله اليوم اختبرنا فغنسي وهم وانزاح ولكن الاختبار كان احباط بكل المقاييس

تقريبا 4 صفحات ومااذكر عدد الاسئلة ولكن الصدمة كانت انها جابت لنا اول صفحة كلها كلمات وافعال وصفات من الترم الاول وطلبت نصرفها انا بس جلست افرك ايدي ونفسي اضرب حدا من جد كانت صدمة ياناس حتى انها ماخبرتنا انو ممكن تجيب شي كذا او حتى نركز عليه وجابت اسئلة كثير من كراس التدريبات ومعظم البنات مامعهم هذا الكتاب .

هي صح اسئلتها كانت كثيرة بس شي يقهر انو تسوي مقلب زي كذا اصلا منهجنا لحاله دسم وكله قواعد يعني على الاقل كان مفروض لو تنبهنا على شي كذا قبل لاتجيبه .

شي ثاني انو لما جينا نسالها في الاختبار قامت تنافخ وتصرخ وتقول انو انتو مو مذاكرين وبعدين اخدت نفسها وطلعت ماادري ايش هذا الاسلوب .