[ُزمرد]

المشاركة الأصلية كتبت بواسطة عبقرية فهمونا ايش الفرق بين الثلاث الدرجات الي محطوطة النسبة الخاصة للكلية والطالب والموزونة

أهلين يا بطه

اول شيء في حاجة اسمها النسبة الخاصة للكلية ..
إللي هيا بالجدول كانت تبدأ ب 75 .. 85 ... 80

هادي هيآ النسبة الخاصة المطلوبة ف الكلية .. يعني كل كلية لها شروط محدده انو في مواد معينة مجموعها مثلا يكون a او b+
مثلا عندك كلية الطب شارطه المواد للنسبة الخاصه احياء كيميا فيزيا انقلش ف لازم مجموعهم مضروباً في عدد ساعاتهم يكون b+

ولو اتحقق هالشرط ف يعتبر الشخص مقبول ( قبول مبدئي )


والخانة اللي بعدها النسبة الخاصة بالطالب
دي اللي هيآ مجموع المواد المطلوبة تبعت الطالب وقد ايش طلعت نتيجه نسبته الخاصة لو طلعت زي النسبة الخاصة تبعت الكلية او اكتر ف اذاً يعتبر مقبول قبول مبدأي .. يعني النسبة الخاصة تبعت الكلية< اللي هيا شرط الكلية .. والخاصة تبعت الطالب اللي هيا مجموع مواده عشآن يحقق دا الشرط


اخر خانة الموزونة العامة
بعد ما يتم القبول المبدأي تتم المفاضلة ويتم اختيار الطلبة حسب المقاعد الشاغرة بناءاً على الموزونة العامة يعني الواحد بعد ماينقبل ويتحقق الشرط الاول انه جاب نسبة مطابقة او اعلى من النسبة الخاصة للكلية يطالعو ف الموزونة العامة
اللي هيا مجموع كل المواد ^^ ويخختارو اعلى المجاميع وبذلك يتم التسكين


اتمنى اكون افدتك يا سكرة