[coOola]

المشاركة الأصلية كتبت بواسطة octper_ اهلا بك في صالة النقاش ياخت - كوله - مو كولا ! موضوع جميل . وبيكون اجمل بالنقاش فيه بس الله يهديكي يعني مالقيتي الا اسم البرنامج ذاك اللي كله مضاربات المهم اتمنى انك تتقبلي بعض التعليقات -او النقد- برحابة صدر .

هلا بك زود ..

ما فهمت وش الفرق فـ اسمي وأنت تقوله !!

ما حطيته بـ الساحة إلا لـ النقاش

والله لـ الأمانة ما أعرف البرنامج والاسم كان مطروح من قبل بآسكن روبنز ولا يغلى عليها


تفضل بـ نقدك وآراءك وتعدد الآراء يعدد زوايا النظر لـ الأمر ..

هل هذا يعتبر حكم شخصي , او حكم جماعي !؟

جماعي !!

اذن انه حكم جماعي , لماذا ؟ مالذي ادى لتدهور الاوضاع ؟ هل هي تفاهة المواضيع نفسها- بوجهة نظرك - , ولا الجهل باساليب الحوار !

الحكم صدر من العديد ..
وكلنا كنا نرى أن المواضيع كانت بالغة الأهمية وتوجب النقاش فيها حتى نتوصل لـ حلول ..

ولكن كل ما رأيناه كان تدهورا وانحرافا عن فحوى الموضوع وصلبه !!

اول جملة تناقض الاخرى ! تاره تقولي اتناقشو , وتاره تقولي انتم لستم باصحاب اختصاص ؟ هل النقاش عن اساليب الحوار السليمة , ام نوعية المواضيع المتاحة

وين التناقض ؟؟

أنا أقول نتناقش وفق أساليب حضارية وبـ دون التدخل في الأمور التي لا اختصاص لنا فيها

مثلا ..

حين طرح موضوع القيادة لـ الرأي العام ..

هناك المؤيد وهناك الرافض ولا خلل في ذلك

ولكن تم تحوير الموضوع عن هدفه الرئيس ألا وهو " رأيك أنت فـ الموضوع وشو "

إلى أمور عدة ..

من أبرزها ..

- لا تتناقشوا فـ الموضوع ذا فيه شي أهم .

- موب شغلكم يا شباب نبي نسوق

- الرجال عيونهم طويلة ولو كل واحد يخلينا فـ حالنا

- الموضوع عبارة عن توجهات غربية لـ تغريب المرأة

- فيه أقلية مضطرين يسوقون لازم يسمحون لهم


<~ عبارة عن مجموعة آراء ولو كان لـ هنا النقاش ما زعلنا .. لكن بعد كذا يجيك اللي ما أدري وش يبي

يمسك كل رد .. لو هو على هواه قال له صح عليك .. ولو لا قال له أنت آرائك تغريبية

وأنت أساسا تفتي بـ غير علم وأنت فيك وفيك وفيك

وتصير مضاربة طول × عرض نحن في غنى عنها !!

وجهة نظر حادة نوعا ما . افهم من كلامك انك رافضه الفكرة بتاتا , . بل ورافضه حتى انه احد يأييد الفكره, عجيب ! الرأي واحترمناه , ولكن الغريب انك ايضا تتطالبي باسكت الطرف الاخر كليا , بحجة انه حكم بالمسئلة وانقض الامر من اهل الاختصاص . وسواء مقتنعين ولا لاااء بالطقاق او ع قولتك لا يكثر ! لا والله اقتنعنا زيادة عن اول ! < انا مو مع ااحد بس بتكلم بصيغة الجمع

أنا قلت لك ..

حنا نبدي رأينا .. ونتناقش فـ الموضوع وفق أطر الحوار والنقاش الراقي المحترم ..

ولكن إذا أتى من هم أعلم منا وأفهم وزمام الأمور بـ أيديهم " أهل الاختصاص "

توجب علينا التزام الطريق الذي وصفوه ومهدوه .. وإن لم يعجبنا قرارهم المبني وفق رؤيتهم الشاملة والعامة, والذي لم يقم بـ اتخاذه فرد وحيد بل مجموعة من أهل الاختصاص والعلم و الخبرة ..

حينئذ وش تبوني أسوي لكم .. اشتكوهم على أكبرهم وأفهمهم يمكن يشوف لكم صرفة !!

وعلى طاري لا يكثر ..

من جد يا أخي لا يكثر ترى الموضوع يرفع الضغط .. يجيك الملك ولا خلنا نقول الأمير أحمد
ويقول ما فيه سواقة حاليا .. يجونك ذول يقولون إلا غصب نبي نسوووق!!

روحوا كلموا الملك ولا الأمير الله يطول بـ عمرهم يمكن يرضون ..

القصة ليست تأييدي لـ القضية من عدمه .. القصة بـ ما فيها أنه فين حين تكلم من هو أكبر منك وأفهم منك عليك التزام الصمت واحترام ذاتك <~ الكلام موب موجه لك أنت الكلام على وجه العموم

والسطر اللي ملونته ترى أحس كذا والله أعلم إني ما فهمته

نستنتج من كلامك -قاعدة -ان كل موضوع يتم الفصل فيه من جهة عليا - سواء كان القرار صائب او خاطئ , يمنع الحديث فيه وحتى النقاش او ابداء الرأي ! , ولا يعتبر هذا الشخص مفتي ويبيت النيه لخلخلة الصفوف < اعتقد اني هنا فهمت غلط

وليش تأخذ من كلامي قاعدة ..

كلامي وجهة نظري .. وما هوب وحي ولا أمر من جهة عليا عليك التزامه واتباعه طال عمرك

أنت لـ الحين ما فهمت وشو اللي أبي أوصل له أنا !!

ولكن ما عليه .. نوضح لك ..

صدر قرار من هيئة الأمر بـ المعروف والنهي عن المنكر .. بـ إنه محطات البنزين وقت الصلاة ما تقفل !! <~ مثال يا جماعة موب صدق

بـ يجيك اللي يقول لك لا والله غلط المفروض يصلون ليش وش ذنب المسكين العامل المسلم ما يصلي ؟؟

ويجيك الثاني .. اللي يقول لك بـ العكس كلام صحيح وأغلب عمالة المحطات من غير المسلمين !!

يجيك الثالث يقول لك الهيئة أصلا ما أدري وش تبي .. الهيئة أساسا هي أسااس البلا وما نبيها و و و <~ الواوات ذي عبارة عن تعداد لـ مساوئ الهيئة الله مير يحفظهم لنا !!

طبعا الثالث ذا تدخل فـ اللي ما يخصه وما يعنيه وبدأ بـ إثارة مواضيع ما لها علاقة بـ صلب الموضوع واللي هي مشاكل الهيئة .. يا أخي هو وش دخله الحين فـ الهيئة وش سووت ووش ما سووووت !!!

حنا نقول إنهم طلعوا بـ قرار .. وتمت الموافقة عليه من الجهات العليا ولا ما كان صدر .. أنت اللي لك علاقة فيك تناقش وتبدي رأيك فـ هـ القرار صح عليه ولا غلط الباقي موب شغلك !

<~ أنت موب أنت أخي أكتوبر كلامي عموما

..

فياريت توضحي لي ماهو الفرق بين ابدأء الرأي , والافتاء -ع قولتك - في مواضيع ذو الاختصاص ؟

كلامي أعلاه لو ما فهمك وش أبي ..

الله يعينني عاد أرجع أقول لك بـ طريقة أخرى

لاني احس ان مربط الموضوع كله هنا . وفي النقطة الثاني مازلت لا اؤيد مبدأ " انه مايتكلمو الا اصحاب الاختصاص ومدري ايشكلو ".. ولكني اؤيد جزء من رايك بخصوص , انو "ليه اللقافه؟" ..

يمكن عندك زاوية أخرى تنظر من الموضوع لها يا ليت تفهمني إياها

ع شان أعرف على وش نتكلم احنا هنا ..

أما اللقافة

واللي يقول نتضامن مع الشعوب الاخرى ! احب اقوله , طب فيــــــــــــــــنك من اول , ماحسيت بالشعوب المظلومة ! شئ غريب . يعني بما اننا نرى في انظمة اخرى انها ظالمة , هم ايضا ينظرون لنا نفس النظرة ولكن باتجاه معاكس ! < ياعيني ع السجع فــ اذن الحكم يبنى ع المسئلة من اي زاوية ؟ واهلا وسهلا .

هم زي الشعوب الثانية

توهم صحوا وعرفوا إنه رؤساءهم ظالمين وما لهم خاتمة ..

صباح الليل يا عرب

على فكرة ما انتبهت لـ السجع وينه فيه فـ كلامك <~ بررررا

و هلا بك زود مجددا ..