عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 11-06-2011, 11:27 PM   #2

otaima111q

جامعي

 
تاريخ التسجيل: Apr 2011
التخصص: موارد بشرية
نوع الدراسة: إنتساب
المستوى: السادس
الجنس: ذكر
المشاركات: 136
افتراضي رد: من لا يعلم عن تخصصات الموارد البشرية والتسويق

المشاركة الأصلية كتبت بواسطة حسان يا عرب مشاهدة المشاركة
السلام عليكم ورحمة الله وبركاته

زي ما هو موضح في موضوعي أبغى بس أعطيكم فكرة عن التخصصين يالي متاحين لنا
خصوصا أنو معظم يالي جالس يطل على هذول التخصصين أنهم عاديين
مالهم مستقبل في سوق العمل , وزي كده تصورات

بس أنا يالي شايفه أمام عيني
التخصصين هذول من أكثر التخصصات المطلوبة خصوصا بعد الانفتاح الكبير بالتجارة العالمية
والتسهيلات والترخيصات يالي جالسه تعطى للشركات والتجار العالميين أدت لزيادة الطلب عليهم أكثر وأكثر
صحيح حتقولو لي أنو في كثير من مندوبين المبيعات ومدراء المعارض والمعقبين والمتابعين لأمور الشركات , ومره السوق متشبع منهم
الكلام هذا مضبوط وما عليه أي نقاش
بس نحنا زي ما شفنا خلال دراستنا للآن , أنو المبيعات أو الموارد البشرية لا تتعلق بس بالبيع أو التعقيب بالمعاملات عند الدوائر الحكومية , بالعكس هذه الوظيفتين ما هي إلا عبارة عن جزء صغير أومهمه صغيره من ضمن المهام الكبيره المتعلقه بالتخصصين التسويق والموارد البشرية

فيالي أبغى أوصلو , أنو الموارد والتسويق تخصصات مطلوبة وبشده في سوق العمل , حسب خبرتي وحسب يالي شايفه قدامي
والرواتب يالي تعطى للمناصب هذه عاليه نسبيا , وتعطى دائما الأولوية في التوظيف لمن يحمل الشهادات التابعه لهذه التخصصات
وحتى في مجال العمل الشخصي , ما تعلمناه حتى الآن تساعد وبشكل كبير للقيام بمشروع تنطلق فكرتو من عندكم

ومهما كان يا أخواني قرار التخصص يالي حتتخذوه , ومهما كانت الفائدة يالي أنتو راجينها من الشهادة في النهاية , لازم يكون في تعب وجهد وإرهاق وتحمل حتى تبغلو الهدف يالي تبغوه
مافي شيء بيجي بالسهل , والقمة ما نوصلها إلا خطوة خطوة

يعني أرفعو من آمالكم من التخصصات هذه لأنها مره حلوة , وتزيد حلاوتها أنو نحن نلتمس كل يالي بندرسو خلال حياتنا اليومية

ولو تبغو أو استفسار عن التخصصين حطوه هنا وأنا مستعد أجيب عن أي تساؤول بإذن الله

ولا تحسبو كلامي هذا ابرةبنج علشان تسكتو عن التخصصات التانيه , بالعكس أنا أتمنى كل التخصصات أنها تفتح لنا وأنا بضم صوتي مع صوت أي شخص عندو القدرة لإقناع كليتنا بانها تفتح تخصصات تانيه , بس أنا حبيت أنو يكون في تفاؤول فينا أكثر , ونشوف الابتسامه على وجيه الكل ^_^

أتمنى للجميع التوفيق والنجاح , وأتمنى أنو تنزل الدرجات بسرعه علشان خلاص الابتسامه وصلت لحدها لنهائي في الصورة بالتوقيع تحت هههههههههههههههههههههههه

تحياتي
أخوكم
حسان السراقبي
مشكور ياخوي حسان الله يكتب اللي فيه الخير
بس بالنسبة للدرجات انا صابني فتور <<<< فتور والا اشا
اطلع برا

 

otaima111q غير متواجد حالياً   رد مع اقتباس