[الجغرافي السعودي]

المشاركة الأصلية كتبت بواسطة طامحة للدكتوراة أعتقد جامعة الامام مو مطلوب شرط اللغة مادري اذا صح أو لا بس لو شرط اللغة مو موجود في الامام أختار الامام لو في شرط اللغة أكيد أفضل الملك سعود عندي سؤال ايش رايك في دكتوراه أم القرى افكر أحول لانها أقرب لجدة بس ما أعرف كيف مستواها وكيف دكاترتها وهل هما معقدين ولا لا؟

والله شوفي بالنسبة لجامعة أم القرى بكل تأكييد مستواها ممتاز أما بالنسبة لدكاترتها ما عندي فكرة عنهم , لكن شوفي ترى الملك سعــود ما عندهم " ياأمي أرحميني " خصوصا دكاترة النظم والخرائط هذا على حسب ما سمعت من أحد الاصدقاء اللي درسوا ماستر فيها بس ما كمل حول على جامعة طيبة وأتخرج منها ... وأنا ما اخفيكي يمكن لو جاني قبول في الإمام (على فكرة اللغة مطلوبة فيها) يمكن أخير عن الملك سعود لأن الإمام على حسب ما سمعت أنو فيها مرونه (أنا أتكلم عن القسم فقط ) لكن يقولوا أن عمادة الدراسات العليا فيها شوية تعقيد خاصة فيما يتعلق بتسجيل الرسالة وإجراءاتها , أما القسم فأعتقد أن دكاترته ممتازين ...
وأنتي يالغالية بالنسبة لك ترى أم القرى طيبة لك خاصة أنها قريبة وملائمة لك من الناحية الجغرافية (جغرافية المنطقة البشرية والطبيعية) "دخلنا فالتخصص هههههه" وتراها لا تقل عن الجامعات الثانية بالعكس من الجامعات السعودية المعترف فيها حتى في الوطن العربي وأنتي فالنهاية هدفك الحصول على درجة الدكتوراه وشهادة أم القرى إن شاء الله قوية ..وبالنسبة لجامعة الملك سعود بصراحه تفتخري وتتباهي وإنتي تقولين أنا طالبة دكتوراه فيها لأنها من بين 300 جامعة عالميا , وتعتبر الأولى عربيا وشرق أوسطيا وإذا أتوفقتي إن شاء الله بمشرف كويس أمورك راح تمشي من أحسن ما يكون ..
أتمنى لك التوفيق وإن شاء الله تعالى نشوفك دكتوره قد الدنيا ..