[bint aboha]

السلام عليكم ورحمه الله وبركاته


ممممممممم انا من النوع اللي اسمع الأخبار اما اني انقلها

فلا عندي عاده مكروه الا وهيا اني لمن اعرف شي مااقوله ابد

حتى لو كان هذا الشي ممكن يودي لشي ثاني

مواقفي صعبه مع اخبار الموت للأني كلها اخذتها وانا صاحيه من النوم

اذكر اول مامات الملك فهد رحمه الله سمعت امي تشهق فحسبت ان

احد من خوالي توفى الله يرحمه وكنت توني صاحيه من النوم

فلمن سالتها قالتلي ان الملك فهد توفى الله يرحمه وكانت فاجعه

بصراحه كنت احسب إننا بنقعد من دون ملك للأني ولدت وكبرت

وهوا كان ماسك الحكم وكمان ف المتوسط يعني اكيد ماكنت اعرف

ان ف احد بعده يحكم والحمد لله ع حكامنا فديتهم الله يطول باعمارهم

موقف ثاني الا وهوا وانا كنت راجعه من المدرسه وكنت ذيك الساعه\

ثالث متوسط فاختي الصغيره فكت الباب لي وهيا تبكي ولمن سألتها

قالتلي ان ولد خالت امي الصغير عمره 6 او 7 سنوات طاح ف البياره

الله يكرمكم ومات حتى انكتبت قصته ف الجريده وهوا بينبع وكانت

صدمه بصراحه للكل للأنه كان الولد بسم الله عليه حبوب الله يرحمه

موقف اخير وماانساه ماحييت وهذا ممن اكثر المواقف صدمه بالنسبه

لي

وهيا موت خال امي جات امي وفتحت الباب بقوه وهيا تقولنا قوموا

خالي توفى تخيلوا الموقف ذا انا طبعا مابكيت ولا قدرت اتصرف

بس تأففت من الطريقه اللي قالتها امي الله يسامحها فلبسنا ورحنا

عند بيت جدتي وكان الوضع جدا مزري والعزاء ولله الحمد كان

ف ديرتنا للأني انا مااحضر العزاء لو ايش ماكان للأني اخاف

طبعا ماقدرت ابكي ولا انام ولا اكل ولا اشرب ابد ماانسى ذاك

اليوم حسيت بالموت بصراحه تخيلوا لمن تكون العبره مكتومه \

كنت داق ع صحبتي وااقولها بموتت ماني قادره اتنفس

بعدين انفجرت من البكاء بس كنت لوحدي ماخليت احد يحس

فيني واللي زادني اكثر لمن قالوا ان جثته كانت مشوه وماعرفوه

اخوانه الا من حاجه ف جسمه للأنه حصل له حادث وصاحبه كان

معاه ف نفس السياره فكان علينا دم لو خالي عاش بس قدرت ربي

انه يموت يأمر منه عز و جل ولا يقصون رقبته واهل الولد

عفوا عنا للأنهم عرفوا ان الحادث مو بيده




موضوع مؤثر بصراحه صوصو قلبتي المواجع إلى الآن واناا اذكر

خال امي وماراح انساه ابد


تقبيلي مروري