[واحد هادي]

المشاركة الأصلية كتبت بواسطة مهندسً عليكم السلام ورحمة الله هلا وغلا ابو الجود ما شاء الله تبارك الله الف مبروك على انهاء اجراءات القبووووووول ان شاء الله بروح لهم في اقرب فرصه .. واخلص اجراءاتي ..دعواتك المهم يالغالي وين اروح عشان اخلص اجراءاتي لو توصف لي لاني من خارج جده هل بنفس الجامعه مبنى العماده ولا كيف؟ في اي طريق لو توصف لي مبدئيا وبعدين اذا وصلت اسأل هناك وطيب لما طابقو الشهادات هل رجعو لك الاصول ؟ وهل فيه مواد تكميليه وشروط ثانيه مثل اللغة؟ طيب الدراسه متى تبدا اي تاريخ؟ وبطاقة الجامعه تطلع في نفس الساعه ولا تطول؟ تخصصي هندسة حاسبات وانت قوى كهربائيه؟ المعذره كثرت اسئله عليك بس ربي يوفقك ويسهلها عليك

السلام عليكم ورحمة الله

أخي الكريم

1-أعتذر وبشده على التأخير في الرد وهذا لظروف خارجة عن إرادتي

2-المكان في مبنى عمادة الدراسات العليا ومرفق بالمشاركة خريطة مبسطة وان شاء الله تساعدك بكل سهولة.






3-أصول الشهادات كلها ترجع لك ماعدى موافقة العمل اذا كنت موظف يأخذو الموافقة الأصلية تبع العمل... اذا كنت طالب لازم تجيب برنت من الأحوال عشان يعرفو منه انك مو موظف.

4-صور اثبات اللغة ووثيقة التخرج وصورة شمسية واحده وبس... راح يطلبو منك الوثيقة الأصلية وكشف الدرجات الاصلي عشان يطابقو.

5-اللغة شرط رئيسي وراح يعطوك فرصة الى 1/9/1432هـ انك تحضر النتيجة ونصيحة اذا مستواك كويس في الانجليزي ادخل اختبار قياس على الرابط التالي
http://87.101.230.11/exams_list.aspx
افتح ملف وبعد كذا سجل في هذا الاختبار (اختبار كفايات اللغة الإنجليزية - شعبان 1432 هـ - بنين)
وهذا الرابط للعلم فقط (http://www.qiyas.org/Qiyas/ExamDates/examDates.6.aspx)

مطلوب منك تجيب 52/100 على أقل تقدير.

6-بخصوص المواد التكميلية هذي تعتمد على تخصصك في البكالوريس ونظرتهم له ومن فين حصلت عليه... تقدر تسأل نفس الموظف أو رئيس القبول الأستاذ عبدالله صفحي جزاه الله الف الف الف خير... وبرضه تقدر تروح للكلية مثل مو باين موقعها في الخريطة وتدخل من جوار الكوبري الخشب تلاقي شباب كثير قدامك أسألهم وين الهندسة الكهربائية... عموما هي في المبنى اللي على اليمين الدور الثاني يمين من المصعد ثم يسار في ميني على طول وأول مكتب على اليسار.

7-البطاقة تستلمها خلال دقائق بعد المطابقة وهذا حسب الزحمة.

8-الدراسة تبدء ان شاء الله 14 شوال القادم ولكن لازم تكون متبع بالموقع عشان تعرف كيف تدخل على النظام وتعرف جدولك وموادك و و و و
هذا رابط النظام..
http://odus4.kau.edu.sa/students/INDEX.asp
(نظم الخدمات الأكاديمية - طلاب) ثاني واحد على اليمين :)

9-أنا تخصصي هندسة حاسبات ياغالي وعن نفسي خريج الجامعة العربية المفتوحة تخصص تقنية معلومات وحاسب الي والحمدلله لانه لدي دراسات ودورات مختلفة تم إعفائي من المواد التكميلية بينما يوجد هناك طلبة ملزمين بالمواد التكميلية وهذا مثل ماقلت حسب جامعتهم وكليتهم وتخصصهم.

10-لما ارسلت لك الرسالة الخاصة كنت عارف انك هندسة حاسبات لانه أكبر اقبال على هذا المسار في هذي الكلية وحتى المقاعد الشاغرة 15 لهذا المسار بينما القوى الكهربائية والالكترونيات 10 مقاعد لكل مسار.

سؤال.. انت من خارج جده... هل سوف تنتقل للعيش في جده مع بداية الدراسة أم انك راح تروح وتجي؟؟؟ اتوقع راح تسجل مادتين او ثلاث وهذا يعني انه عندك على الاقل 3 محاضرات بالاسبوع وأنا لا أعلم أنت من أين بالضبط لكن أعتقد هذا سوف يكون صعب جدا جدا اذا كنت لاتنوي الاقامة في جده


بخصوص الأسئلة يا أخي احنا اخوان وزملاء وتحت امرك ان شاء الله مليون سؤال أهم شي تعم الفائدة علينا جميعا.


بالتوفيق

أبو الجود