رد: مهم جداً جدً جداً لغير المقبولين في جميع الأقسام
مرحبا ... للجميع
انا مع انه كل من يرى انه له الحق ياخذه.. لكن راح اتكلم من وجهه نظر محايده انا من الناس اللى قدموا بس مادخلوا الاختبارات... لانى مو مقتنعه بالتخصصات هذا اولا وثانيا المعامل محدوده يعنى لو قبلوا بنات زياده ما راح تكفيهم على البنات اللى عندهم من قبل.. اوضح اكثر اعرف كم وحده شغلها واقف عشان مو لاقيه معمل فاضي تشتغل فيه.. والثانية حجز كل بعد يومين بنت.. يعنى لو سوت التجربة تنتظر كم يوم عشان يجيها الدور وتشوف النتائج المسالة صعبه
و ايش الفايده من اخذ شهادة وبمواضيع وتخصصات مكرره.. راح يكون مثلها مثل البكالوريوس
انا مع ان الدكاتره كثير ... بس اللى راح يظلم فيها الطالب (لان الدكتور او الدكتوره راح يشرف على كذا طالب وممكن ما يعطيه كل الاهتمام اللى يحتاجة ويشرف على كل صغيرة وكبيره بالرسالة نتيجة لضغط التدريس وكثره اعداد طلاب الدراسات العليا).. وغير كذا فيه طلاب بصراااحة ما يتحملون ضغط االدراسات العليا لانها تحتاج لغة قويه لان الاختبارات صارت باللغة الانجليزية وكذلك المناهج وتعتمد على الطالب بصورة اكثر من المشرف هذا غير تاخير المواد والمراجع وسفر بعض الدكاتره وانشغالهم وتلقى اغلب الطلاب والطالبات يفكر بالانسحاب..
هذا الكلام من واقع تجربة ومعايشه طالبات ماستر...
لانه دراسة الماستر تبغى تحضير واستعداد من لغة قوية وقوية جدااا خاصة في التخصصات العلمية .. استعداد الطالب وقدرته على الابتكار..
وارجع واقول لكم جامعات المملكة كثيره وفيها برامج للماستر قدموا عليها ... مو في جدة بس.. وبعدين الماستر مو كل شي بالحياة دوروا على وظائف او دبلومات قصيره (لانه صاحبتى راحت بريطانيا ودرست ماستر وصارلها 5 شهور مالقت وظيفة وبعدين راحت تدرس دكتوراه... بس لمتى الدراسة بدون تطبيق للى درسناه) الا انى اقول بالنهاية
هي ارزاق واقدار .. واذا لكم فيه نصيب بتاخذونه وبالتوفيق للجميع....
|