[صاحب الكلمة]

والله انت صريح ^_^
طيب يا غالي ...
إذا بتحسبها الأفضل من ناحية تحصيل الدرجات وذلك من خلال أعمال السنه...
وتحسب أعمال السنه من 30 درجة ..
أو بتحسبها من التحصيل العلمي وذلك من خلال متابعة المنهج (أول بأول )
.................................................. .......................
الجزء الثاني :- والله أنــا أمس وأنــا طالع من الإختبار شفت زميل لي في نفس المادة
وتعليم عن بعد اشوي يبكي من اختبار العربي يقول ابي انجح بس..
قلت يا حليلك انت معك اعمال سنه 30 يعني تجاوب على ثلث الأسألة تنجح..
طيب المنتسبين لازم يجيب فوق نصف الأسأله وفوقهم ربع الأسألة
يعني انت داخل الاختبار معك 30 درجة وهم ولا شيء (الله يكون بعونهم)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,
الزبدة :-
التعليم عن بعد هناك اعمال سنه تقسم على مشاركتك في المنتديات والواجبات والاختبارات
ومن خلال التفاعل مع مدرس المادة من خلال البريد في نظام الايميس
الواجبات 5 والاختبارات 5 والرسائل للإستفسار عن منهج 5 رسائل للمادة الواحده
بعض المدرسين يزود اختبارين وواجبين إلى ثلاثة وذلك من أجل التعويض إذا لم تأتي بدرجة الكامله في الخمس الاختبارات والواجبات
.................................................. ....................................
المحاضرات :- تكون عن طريق الفصول الافتراضية السنترا
وكل مادة الثلاث ساعات تكون لها محاضرة وحدة مدتها ساعة وثلث.
وإذا المادة ساعتين تكون لها محاضرة وحدة مدتها 50 دقيقه (في الاسبوع)
وقتها من بعد صلاة العصر إلى نهاية آخر محاضرة الساعه 9 وثلث
انت وحضك بالجدول انا مثلاً كان عندي السبت الساعه اربعة العصر والساعه ثمانيه مساء
والأحد الساعه 7 مساء
الاثنين ما عندي شيء . الثلاثاء عندي محاضرتين الساعه 4 والساعه 8 مساء.. الاربعاء ما عندي شيء
.................................................. ..........................
بالنسبة للتحويل راجع عمادة القبول والتسجيل بالاتصال وهم يفيدونك اكثر من اي شخص .
.................................................. .........................
الرسوم 4000 ريال (ريال ينطح ريال) ولا فيه اعفاء ^_^
.................................................. ....................
الشرح اكثر من ممتاز فيه صبورة تفاعليه بالنسبة للمواد العلميه ..
والمواد النظرية فيه عروض تقديميه أو يقول المحاضر خطط بكتابك .
كل واحد وطريقته..
.................................................. .......................
انت طقطقها براسك وشوف وش يصلح لك ..
اذا نت طالب تقول ما لي خلق في المحاضرات
واجبات واختبارات ومنتديات ورسائل للمحاضر
من الحين اقول لا تحول (تروح عليك 30 درجة للي انا احسبها بمثابة الهديه)
وإذا انت رجال تقول ما عندي وقت ولا ابي ارتبط بمثل هذا التعليم
خلك على الانتساب اصرف لك على شان ما تروح عليك 30 درجة بلاش.
.................................................. ...........................
طولت عليك صح (ابي منك دعوة ) وإذا على الشكر لا شكر على من يطلب النصيحه ^_^
تقبل ودي