رد: ( ماساه في طريقي إلى جده ) .......
سبحان الله كأنك توصف الي صار معانا انا واهلي واحنا جاين من الرياض
قابلنا سياره صادمه بالعمود ومقسومه نصين والعياذ بالله
اخواني بالسياره4 وابوي الخامس
نزلوا من السياره وصاروا يساعدون الشباب الي بالسياره
كانوا ثلاث ومعاهم حرمه عجوز
وصار معنا نفس الشي اخواني يساعدون في المصابين
والباقي يتفرج والي يصور
والله العظيم يوم محزن كل واحد من اخواي نزل شماغه وربطوا فيه اماكن النزف
حتى الحرمه العجوز طلعوها الحمد الله واخذوا عباتي وغطوها فيها
والله كان الوضع محزن الناس متجمعه وتتفرج حتى ما كلفت خاطرها تتصل على الاسعاف
والي يقول لبوي ليكون عندك سكر وتجرح تفسك انت رجال كبير
قاله ابوي يا تساعد يا تسكت
والله من كثر الزحمه الي كانت موجوده
اخوي طلع مسدسه واطلق بالهوا عشان يفرقهم
متزاحمين لامن خيرهم ولا كفاية شرهم
وعاد الاسعاف حدث ولا حرج
سنه عشان يوصل
بس الحمد الله اخواني عندهم خبره بالاسعافات
و وصل الاسعاف وياليته ماوصل
طول الوقت يسأل انتوا حركتوهم ويقولون اخواني لا
ويهدد الاخ لو حركتوهم غلط المسؤليه عليكم
بدل ما يشكرهم يهدد
ولما تحركت سيارة الاسعاف لقينا الشرطه جايه جهتنا
اتاري واحد من المتجمرين مشتكي على اخوي عشان الطلقه الي اطلقها بالهوا
وطبعا لاشكر ولايحزنون
كان بيوقفه 24 ساعه
بس ابوي سوا اتصالاته وصلح الموقف
من جد والله شي يرفع الضغط وين راحت الحميه
وين راحت الشهامه الناس تموت وهم يتفرجون
الله يصلح الحال بس
شكرا اخوي على الموضوع المبكي
|
كانت هنا .. فتاة توصف دوماً
بأنها من هذا الزمان وليست له :)
2009-2012
قضيتها .. كتب ، دورات ، مناوشات وشوية شقاوه ، تدوين ، مواضيع ،كلجات ههه ، دعوات لناس مايربطني فيهم الا معرف ..منتدى
سامحوني .. فلي قلب ان وقع فالزلل
يثور به ضمير .. اهوج لا يجعله يبات لياليه
اخر ما اود ان اتركه لكم هنا ،.!
اعفوا .. اصفحوا .. تعاملوا بنقاء ♡
واعدكم .. ان يكون لكم من سجودي نصيب
سبحانك اللهم وبحمدك اشهد ان لا إله الا انت استغفرك اواتوب إليك
♡♡♡
♡♡
♡
|
|