[OMAMA]

أول حاجة المعطيات :
عندنا التركيز الكلي للمعادلة أثناء حالة الاتزان kc =4.2 وعندنا عدد مولات H2 & CO2= 0.8 وعندنا الحجم باللتر (Volume=5L) ودرجة الحرارة مالها أي قيمة هنا لانه ماطلب kp .
X = عدد المولات المستهلكة في التفاعل بالنسبة للمتفاعلات ، وبالنسبة للنواتج عدد المولات الناتجة من تفاعل المتفاعلات والتي كونت CO & H2O (النواتج) ، أي أن النواتج تكونت بعد تفاعل المتفاعلات معأ (قبل التفاعل لم تكن النواتج موجودة فقط المتفاعلات)
المطلوب : تركيز كل مادة موجودة في المعادلة أثناء حلة الاتزان يعني الــ kc لكل من النواتج والمتفاعلات .
في السؤال قال انوا المتفاعلات H2 & CO2 عدد مولاتهم 0.8 واعطاني معادلة ، نلاحظ ان المولات في المعادلة لكل من النواتج والمتفاعلات يساوي 1 .
لازم نعوض عن كل مجهول (المجهول هي الكمية المستهلة و الناتجة من التفاعل) بـ x عشان نحلهم كمعادلة ,,
1) أول حاجة لمن وضعنا المتفاعلات مع بعض واللي تتكون من
( 0.8 mole from H2 & CO2)حطينا بس 0.8 لكل من الهيدروجين وثاني اكسيد الكربون ، عشان نكون النواتج ماكان في نواتج عشان كدا عوضنا في المولات الاصلية عدد مولات النواتج = داش (nothing) (هدا قبل التفاعل يعني بس كان عندنا متفاعلات بعدد 0.8 mol وماكان عندنا نواتج)
2) ثاني حاجة في التفاعل عدد المولات المستهلكة ، ما نعرف احنا كم استهلك التفاعل عشان كدا حطينا –x)) والسالب تعني المستهلك يعني اللي نقص من عدد المولات الاصلية ، هدا بالنسبة للمتفاعلات .
بالنسبة للنواتج نتج عندي ( mol x+ )وهي نفس عدد المولات المجهولة اللي نقصت من المتفاعلات عشان كدا ما حطيناه بالسالب لانها اكتسبت عدد مولات .
3) نجمعهم مع بعض فيسير عندك للنواتج ( 0.8-x mole) للـ H2 & CO2 ، والمتفاعلات (x mole).
لازم نفتكر ان هذا عدد مولات بس وليس تركيز وعشان نحسب التركيز لكل مركب نفتكر قانون المولارية (عدد مولات المركب / حجم المحلول باللتر) عشان احنا مانقدر نعوض في قانون التركيز Kc الا لمن يكون عندي تراكيز وهنا انا ماعندي تراكيز ، بقانون المولارية اقدر احسب التركيز وكمان انا عندي الحجم باللتر .
فأقسم عدد مولات النواتج والمتفاعلات على 5 ، وبعدين اعوض في قانون Kc عشان اطلع x
ملاحظة : الجذر التربيعي عشان يتخلص من الاس التربيعي (لازم ناخذ الجذر للطرفين)
أتمنى انك فهمتي حبيبتي <3 ...