[عـ.~.ـريكـ‘هـ]

السلام عليكم ورحمة الله وبركاته أول شي حبيت أهنئكم بالشهر الفضيل أعاده الله علينا وعليكم بالمسرات

ثاني شي من باب الفكاهة والخروج عن جو الدراسة حطيت الموضوع هذ1 عشان كل واحد يقلنا إيش أغرب وأطرف وأسوأ موقف صارلو في الإختبارات وأنا حبدأ بنفسي

أطرف موقف صارلي في إختبار الكيمياء 110 كنا جالسين في لجنة الإختبار وربنا رزقنا بـدكتور يراقب علينا زي المهرجين يعني قعد ينكت ويمزح لدرجة إنو الطلاب كلهم وانا منهم قعدنا نضحك واتبخرت الكيمياء حقتنا ههههههههههههههه واللجنه هذيك من اللجان إلي عمري محا انساها في حياتي لأنو بصراحه قعدنا نضحك ضحك مو طبيعي وتقريبا ماحسينا بصعوبة الإختبار لأنو كنا مأخذينها بفلة ووناسة

وأسوأ موقف في ثالثه ثانوي أتمنى إني ما انحط فيه كان عندي إختبار وزارة رياضيات وطبعا كلكم سمعتو عن الإختبار المهم وانا قاعد في اللجنة صرت اطالع في ورقة الأسئلة وفوقي علامات تعجب وإستفهام كثير ههههههه المهم بدأت احل مني عارف أمسك القلم ولا انا عارف اسوي شي والعرق من كل محل وأطالع قدامي والي جنبي ومرتبك ولسؤ حظي كان في مدرس بيني وبينو مشاكل هوا ماكان يدرسني بس حطوه مراقب المهم ويطالع فيا ويضحك عشان شايفني حالتي حاله ههههههههههه

أغرب موقف كان في المتوسطه كان عندي إختبار تاريخ ونمت وراح عليا نومه وقمت الساعه 5 الفجر ولا ذ1كرت شي قمت بسرعه اقلب واقلب واحاول احفظ واركز الغريب إني في هذ1 الإختبار جبت 30 ههههههههههههههههههههههه وسلامتكم

ياريت تنوروني بقصصكم وموفقين