[ازهار السوسن]

لا عزيزتي ضروري بطاقة الاحوال
انا انقبلت ماستر وتبهذلت في الاحوال المدنيه عشان البرنت دا
صحبتي معاها بطاقه احوال ع طول طلعت البرنت اما انا حوست اكثر من ساعتين والاهم من كدا طفشت ابوي معاي
لاني قولت له ان الشغله بسيطه كلها نص ساعه نجيب البرنت ونرجع راح طلب خروج من دوامه لمده ساعه
بس للاسف كانت اكتر من ساعه
لما روحت عند الموظفه قالت لي فين بطاقتك قلت لها ماعندي معاي بطاقة العائله قالت لا ما حتاخذي برنت
خرجت وطلبت من ابوي انه يرجع قسم الرجال قالو له ارجع للجامعه واطلب افاده انه هي محتاجه البرنت
تيب انا معاي افاده من الجامعه بس ما يبغوها ويحبون يتعبونا المهم رجعنا الجامعه وكلمت الموظفه قالت ما عندنا غير دي الافاده ارجعي لهم مره تانيه او روحي موظف تاني ما تتخيلو وقتها كيف انقهرت
رجعت مره تانيه للاحوال وواحد الله يجزاه كل خير قال لنا طلعي بطاقه وريحي راسك من الشي دا
وراح ابوي عند الرجال وعرف علي وبعدين اداني التعريف وانا كملت بقيه الاجراءات عند القسم النسوي
وع طول اخذت البرنت ورجعت للجامعه وكملت بقيه الاجراءات
انتبهي يا اختي عشان ما تتعبي مثلي طلعي لك بطاقه او اذا عندك واسطه تقدري تطلعي برنت بكل بساطه
فيه واحد نعرفه كان بيطلع لنا برنت بس كان في فرع الصفا بعيد عننا شوي
اتمنى افدتك
دعواتك