[بيونه الغامدي]

ياسمين شوفي مثال 5 صفحة 233 ..
المستطيل اللى على يدك اليسار هو المجال و اللى على اليمين هو المجال المقابل ...
و المدى دايم يكون في المجال المقابل الاعداد او الحروف اللى وصلها سهم يعنى مثال 5 المدى هو[1,2] لان العددين هذي وصلها سهم ..
طيب الحين نبي نعرف اذا المثال هذا دالة والا لا ..؟
لازم يتحقق شرطين مهمين :
1- لازم كل اللى بالمجال يطلع منه سهم واحد بس عشان يصير دالة .
2- لازم كلها تستنفذ اقصد ..
في معلومة كمان ان المدى ما اطلعه الا من الدالة ..
متال 7 :
في المثال هذا يبي يعرف f1 الى f5 دالة والا لا واذا دالة يبغاني اجيب مداها ...
راح ارسم مستطيل واحط فية 1 و 2 و 3 يكون مجال ...
و ارسم مستطيل ثاني احط فيه a و b و c و d بيكون مجال مقابل ...
الرسم هذا بيكون موحد في كل الامثال من f1 الين f5 ...
f1/ راح تحطين 1 و 2و 3 في مستطيل بيكون مجال ...
و تحطين a و b و c و d في مستطيل بيكون مجال مقابل ...
و توصلين بينها 1 بياخذ a ...
2 بياخذ b و c ...
3 بياخذ d ...
الحين تشوفين اذا هي دالة والا لا ..؟
1- كل الاعداد اللى بالمجال اسنفذت يعنى ما بقى ولا عدد ما طلع منه سهم بس المشكلة ان الـ 2 طلع منها سهمين يعنى ما يصير دالة مدام انه مو دالة يعنى ما في مدى ...
f2 / راح تحطين 1 و 2و 3 في مستطيل بيكون مجال ...
و تحطين a و b و c و d في مستطيل بيكون مجال مقابل ...
و توصلين 1 بياخذ b ...
و 2 بياخذ c ...
و 3 بياخذ d ...
الحين تشوفين اذا هي دالة والا لا ..؟
يعتبر دالة لان كل عنصر من المجال خرج منه سهم واحد و مابقى ولا عنصر ما طلع منه سهم للمعلومية لا تطالعين في المجال المقابل يعنى ما تروحين تقولين مو دالة لان الـ a ما وصلها سهم بس تطالعين في المجال ...
المدى بيكون : [b , c , d ]
f3 /راح تحطين 1 و 2و 3 في مستطيل بيكون مجال ...
و تحطين a و b و c و d في مستطيل بيكون مجال مقابل ...
وصلي 2 بـ a ... و 3 بـ c
ما تعتبر دالة لان الواحد ما طلع منها سهم مدام مو دالة يصير ما في مدى ...
f4 /راح تحطين 1 و 2و 3 في مستطيل بيكون مجال ...
و تحطين a و b و c و d في مستطيل بيكون مجال مقابل ...
راح توصلين 1 و 2 و 3 بـ a ...
تعتبر دالة لان كل الاعداد اللى بالمجال طلع منها سهم و ما بقى ولا عدد ما طلع منه سهم ...
مدام دالة يعنى فيه مدى و مداها هو : [ a ]
f5 /راح تحطين 1 و 2و 3 في مستطيل بيكون مجال ...
و تحطين a و b و c و d في مستطيل بيكون مجال مقابل ...
توصلين راح ياخذ 1 الـ a ...
و الـ 2 و 3 بياخذون الــ b ...
تعتبر دالة لان كل الاعداد اللى بالمجال طلع منها سهم و ما بقى ولا عدد ما طلع منه سهم ...
مدام دالة يعنى فيه مدى و مداها هو : [a , b ]

اتمنى تكونين فهمتي اذا فيه اي سؤال انا جاهزة ...