[T@RIQ]

المشاركة الأصلية كتبت بواسطة t@riq السلام عليكم ،،، لي عوده ان شاء الله ،،، بخصوص رأيي في الاختبار والمواضيع الي الدكتور ركز عليها وانطباعاتي عن طريقة اختبارات الدكتور تحياتي وبالتوفيق

اهلين بالجميع ،،، طيب اولا بخصوص رايي في الاختبار ،،، هو نفس رايي في الاختبار الاول اي احد مذاكر تمام حتكون درجته فوق ال 15 من 20 ان شاء الله . والاسئلة سهله ومباشرة مافيها لف ودوران ،،، يمكن سؤالين بس هيا الي الدكتور لفها .

اما بخصوص طريقة اسئلة الدكتور ،،، الاسئلة زي ماقلت مباشره يعني انتبهوا احد يسوي الفاهم والعالم ويجلس يتفلسف ويقول يمكن الدكتور يقصد كذا او يقصد كذا ،،، انتبهوا الاسئلة مباشره وكل سؤال موجوده اجابته وبنفس الصياغه في المذكره ،،، والحاجه الوحيده المطلوبه هيا الحفظ صم فقط وقراءة السؤال بتمعن قبل الاجابه عليه من اجل الدرجه الكامله ان شاء الله ،،، والفهم الزايد هذا كل واحد يخليه فبيته قبل مايحضر الاختبار . طبعا هذا الكلام في حالة ان الدكتور مايغير طريقته في الاختبار النهائي ،،، لكن اسئلة الاختبار النهائي انا كلمت الدكتور وقال انها راح تكون اختيارات ومافي ايه سؤال مقالي هذا بالنسبه لنا احنا المنتظمين ومااعتقد ان الدكتور راح يغير اسلوبه ويجيب اسئله تعتمد على الفهم في اخر اختبار يمكن سؤال او سؤالين فقط .

اما بخصوص المواضييع الي ركز عليها الدكتور في الاختبار الثاني ،،،

1 شخصيات المديريين ( المنتج وو وو ) تحفظ كامله واتوقع وجود اسئلة منها في النهائي ان شاء الله .

2 التعريفات الموجوده في المذكرة ،،، اي تعريف يجب ان يحفظ وهذي كمان اتوقع وجود اسئلة منها في النهائي ان شاء الله .

3 القوى الدافعه والهيكل التنظيمي ونمط تقييم البدائل وهو ما يسمى ب نمط الادارة المتبع .

4 انواع الاستراتيجيات .

5 العوامل المحدده للبدائل ومدى توفر الخيارات للمنظمه مثل قوة مركزها التنافسي وزيادته للخيارات وظروف الصناعه .

6 الاشكال المختلفه من البدائل الاستراتيجيه ( التركيز والتنويع ووو )تحفظ كامله واتوقع وجودها في النهائي ان شاء الله .

7 التحالفات الاستراتيجيه .

8 نظرية النظم .

9 الفكر الاستراتيجي الحديث و التحديات الاستراتيجيه .

10 العالميه ايجابياتها وسلبياتها .

هذي تقريبا المواضيع الي تكرر فيها اكثر من سؤال في الاختبار الثاني .

تحياتي للجميع ،،، وان شاء الله اكون وفقت في ماطرحت ،،، وفي حالة وجود اسئلة انا حاضر ان شاء الله ،،، ولاتنسوني من الدعاء في ظهر الغيب ،،، والله يوفقنا جميعا ان شاء الله .