يامرحبا يامرحبا ..
< ادماني هالفيس ههه
اهم نقطة قبل التحفيز رتبي افكارك ايش تبغي تذاكري ايش اكثر مادة تحتاج وقت إيش اكثر مادة فيها مسائل ايش مواد الحفظ
بعدها تعالي وسوي لك جدول وسوي لك ورق تحفيز وعلقيهم بجدران غرفتك < انا اسوي هالحركة ومناسبتني مو بس بالمذاكرة بأشياء كثير
بس انتي لو مو حابة ورق التحفيز يكفيك الجدول تبع المذاكرة والمكان المناسب لك التسريحة
< ماتقصد شي ابداً هههه
بعدها رتبي لكل مادة ملخصاتها اسئلتها وحددي مستوى صعوبة هالمادة يعني أكتبي
A اكثر مجهود وفهم وحفظ ..مثلاً (المحاسبة - التمويل -ادارة العمليات) تحددي كم يوم تخلصي فيها ولازم تخلصي منها في نفس الوقت المحدد ولا تكوني صاحبة تسويف وضياع للوقت ولاراح تنجح معاك اي خطة
B مجهود اقل وفهمها وحفظها سهل مثلاً ( الثقافة - التحرير الكتابي - التسويق) وحددي كمان مدتها وتكون أقل من اللي قبلها عشان تحسي بالفرق بين مستوى المواد
الحين تجي للمذاكرة لكل مادة
تمسكي الكتاب وتقرأيه قراءة سريعة اول ماتخلصي منه راح تحسي بالمتعة انو انجزتي بعدها امسكي الكتاب فصل فصل وأشري على كل نقطة مهمة لو صعب عليك شي ارجعي لأي ملخص ممكن يكون بسط لك المعلومه ويوصلها لك بطريقة اسهل
بعد ماتختمي المادة شوفي اصعب باب او اكثر باب فيه معلومات مهمه وأبدأي منو ليلة الإختبار عشان تخلصي منو بسرعة
شيكي على الملخصات اللي تكون لزبدة الكتاب مو الملخصات الدش والكلام الفاضي وشيكي على الخرائط الذهنية < الله يسعد ابو وسام
وبما انو الوقت حاليا ضيق ماتقدري توزعي لكل مادة ايام لكن مثلا المواد اللي تحسي مذاكرتك فيها مو تمام ذاكري كل يوم فيها ساعة او ساعتين وباقي اليوم للمادة اللي ماشيكت عليها ابدا
< توها تبدأ في المحاسبة اليوم
نصيحة:
لاتفكري في صعوبة المواد
لاتفكري في انو الوقت ضاع وانو ماذاكرت.. كذا راح تضيعي اكثر حفزي نفسك وقولي ان شاء الله راح اخلص قبل الإختبارات ويوم الإختبار يسير بس مراجعة
لاتفكري تحفظي قبل تفهمي وبالذات لمواد هالترم لازم الفهم فيها
لاتفكري بس تجمعي ملخصات من المنتدى كل يوم ..خلاص اكتفي باللي عندك لأنو مهما جمعتي ماراح تقدري شيكي عليهم بيوم الإختبار شيكي بس ع الملخصات اللي تعطيك زبدة الكتاب
لاتعتمدي على الملخصات اعتماد كلي وتقولي الإختبار كان صعب مهما وصلت صعوبة الإختبار ماراح يخرج عن الكتاب عشان كذا بري ذمتك وذاكري الكتاب
الإطلاع على نماذج الإختبارات مهمة بس مو قبل ماتذاكري المادة
اوقات بعد ماتخلصي مذاكرة مادة تحسي انو مافي راسك شي عادي طبيعية هالحالة وقت الحل على ورقة الأسئلة راح تحسي المعلومات بدأت ترجع لك وانو جالسه تفتكري كل شي مذاكرته
تذكري قبل هذا كله انو مهما اجتهدنا غير اللي ربي كاتبه ماراح نآخذ وتذكري انو أقوى عامل من عوامل التحفيز هو الإستعانة بالله
وفالك يارب التوفيق وفال جميع الطلاب والطالبات
وخلاص هيا قومي ذاكري وخلي عنك المنتدى والمسن <