كبداية
أي قيمة احتمالية هي عبارة عن 1 ناقص قيمة مكملتها
في المسائل الاحتمالية العادية ما نستعمل المكملة لحساب القيمة نفسها لأنو شي طبيعي حساب القيمة نفسها حيكون أسهل ومن خطوة وحدة
بينما المسائل اللي فيها at least يكون حلها عبارة عن عدة خطوات عشان كذا نستعمل المكملة ونختصر الحل
عشان اوضح بذكر مثالين
الأول :
انتي اختبرتي أحد الاختبارات في الجامعة وهو عبارة عن 30 سؤال اختيار من متعدد باربع اختيارات
وتبغي تحسبي احتمال انك حليتي سؤال واحد منهم على الأقل حل خاطئ
على الأقل هي مكافئة لـ at least
ومعناها انك إما حليتي سؤال او اثنين او ثلاثة او اربع او او او الين توصلي للثلاثين
الطريقة الأساسية انك تحسبي احتمال إجابة وحدة خطأ زائد احتمال اجابتين خطأ زائد احتمال ثلاث اجابات خطأ وزي كذا الين توصلي للثلاثين
وبكذا بتضيعي على نفسك وقت كثيير
تقومي تحليها حل مختصر وهوا انك تجيبي المكملة وهي عبارة عن حالة وحدة بس انك حليتي الثلاثين سؤال صح بمعنى ان ماعندك اي اجابة خطأ وبعدين تطرحي من واحد حيطلعلك الاحتمال اللي تبيه بدون تعب
المثال الثاني نفس الاول بس المطلوب انك تجيبي احتمال حل 29 سؤال على الأقل خطأ ( لاقدر الله طبعاً)
ولمن نقول 29 سؤال على الأقل خطأ معناه إما 29 أو 30 مافي غير كذا
واستعمال المكملة هنا حيكون بدون معنى بالعكس حيزيد التعب ومالو داعي عشان كذا نحل السؤال عن طريق حساب احتمال 29 زائد احتمال 30 وخلاص
الخلاصة هذا النوع من الأسئلة له طريقتين ينحل بيها انتي تشوفي الأقصر وتستعمليه