رد: اختبار المفاضلة لماستر احياء دقيقة طبية؟؟؟
بخصوص اختبار احياء الدقيقه الطبيه ليوم الاربعاء تاريخ 1-6 طبعا مو 30 -5 انا سالت د اصف فطاني رئيس القسم راح يكون اختيارات وكم سؤال انشائي طبعا كوله انقليش بانقليش والعدد المطلوب بنتين وولدين يعني 4 طلاب والاولويه لخريجن الطب على قولته بس قلتله غالبا مايكمل خريج الطب قسم مايكروو (ماعلينا) راح يشوفو لغير طلاب الطب اذا محد قدم منهم من كليه العلوم التطيقيه او كليه العلوم وللمعلوميه عشان لحد يتحطم المتقدمين للا ختبار 80 ولد و190 بنت زي ماسمعت منهم وبالنسبه للمكان راح يكون مبنى 2 قريب كليه الطب بالنسبه للاولاد مدري عن البنات اعتقد حيكونو مع بعض بنات واولاد عالعموم بما انه ماجستير احياء دقيقه لنا الاولاد فبلونا من غير مفاضله لا ن عددنا كان قليل مو زيكم يالبنات ماشالله زي ماسمعت تقدمتو 300 بنت والمطلوب 60 او 70 فانا وغيري من الاولاد انقبلنا بس برضو حدخل اختبار الطب نشوف اش عندهم الاخوان ههه لحد يقول مو جاي لانه مستحيل يجي كل هالعدد ونشالله تكونو من ضمن الاربعه اعرف بنت خريجه علوم تدرس ماجستير بايوكيمستري سريريه بالطب ياقي كم ترم وتتخرج بس اهم شي المعدل يكون ممتاز زي مايقولو ادخلو الاختبار وقولو بسم الله وربي يوفق الجميع للتاكد من اي شي اتصلو على رقم الجامعه 6952000تحويله 21083
تحياتي للجميع
|