[الملاك الأبيض]

المشاركة الأصلية كتبت بواسطة new student دانو انا بدآت امس اكتب فيه بعد ماتعبت وانا ادور فلم او روايه بعدين وحده نصحتني اني اكتب عن شخصيه يعني فلم يتكلم عن قصة حياة شخص زي مثل افلم فريده الي مثلته سلمى حايك او فلم الملكه اليزابيث او روايه تتكلم عن قصة حياة شخص لانه اسهل البرزيتيشن حايكون يدور عن هذا الشخص بس مو اشخاص كتير قررت اني اكتب عن ديفيد كوبر فيلد روايه حلوه قريتها من فتره لتشارلز ديكنز وهذا ساعدني في الكتابه لاني عارفتها من قبل بس لكي انتي انصحك تكتبي عن فلم تتفرجي عليه ساعتين مو زي الروايه حتاخد منك وقت يالله قومي وشوفي ايش فيه افلام عن شخصيات معروفه وابدآي اكتبي بالتوفيق ..

ايوة صح مثل ماقلت ولكن احب انوه لموضوع انو لما تكتبي الفيلم الخاص بشخصية معينة حاولي انو تكون كتابتك مركزة على قصة الفيلم وليس الشخص بحد ذاته حتى لايصبح موضوعك عبارة عن مذكرات او بيوغرافي لحياته . لانو ان سويت برزنتيشن عن شخصية هيلين كيلر بعد ماشفتها في فيلم ولكني ركزت على نفس الشخصية وعلى انجازاتها ولما خلصت قالت لي الاستاذة انو سردي للبرزنتيشن كان كأنه مذكرات لحياتها وانو مفروض مايكون كذا ولكن مفروض تكتبي عن قصة الفيلم واحداثه وايش النهاية وليش عجبك وكيف اثر فيك ....

اتمنى انكم تستفيدوا من كلامي والله يوفقكم في القاءكم للبرزنتيشن وتجيبوا الفل مارك يارب