[miss estakoza]

بنات مع أحترامي لكم و أنا مقدرة كل الكلام اللي قلتوه .. بس فين العزيمة و الاصرار ؟؟
دخلتي الأمتحان خلاص كمليه للآخر ما خطر في بالكم أن ممكن غيرك برضو يشوفو صعب و يمكن ربي يكتبلك تكون درجتك أحسن منهم ..
و الله دخلت أمتحان قسمي و أنا أرجف لأني حسيت أنها أخر فرصة ليا .. من أول مانزلو الموعد و انا أذاكر ما خليت فتفوتة حتى اللي ما أعطونا هوا ذاكرتو و مع كذا لما دخلت الأمتحان و شفت الأسئلة جاتني تناحة عجيبة كل ماحليت شي رجعت أشطبوا و الحمدلله على كل حال بس فكرة أني أطلع من الأمتحان و أنا ماحليت شي أبداً ما خطرت على بالي و المفروض ما تخطر على بالكم ..
و كلام الناس حطيه ورا ظهرك الناس حتتكلم حتتكلم مافي أحد عاجبو شي ..
ياريتكم كملتو الأمتحان و حليتو حتى لو تخمين عشان بكرة ماتقولي ياريتني حليت .. عمر الأنسان الناجح ما يختار الطريق السهل و ينسحب ..
أرجو أني ما أزعل أحد بكلامي بس و الله من حرقة قلبي ..