[T@RIQ]

المشاركة الأصلية كتبت بواسطة hulk_14 ^^^^^^^ نفس السؤال اخوي طارق هل ملخص حسان الطيار قريبه من ملخص الروابده او بلخيور لان ملخص حسان يفتح النفس شاكر لك مجهودك يالغلا

المشاركة الأصلية كتبت بواسطة t@riq اهلين زمرده ،،، بصراحه انا ماشفت ملزمة حسان الطيار ،،، لكن ملزمة الدكتور عدنان تلاقينها بمكتبة خوارزم الي خارج الجامعه ،،، انا شاريها من هناك ،،، مكتوب عليها (( شرائح تدريسيه من اعداد عدنان بالخيور )) واهم ملزمه لازم تشترينها هيا ملزمة الروابده لانه حاذف اشياء كثيره من ملخص عدنان ،،، واضاف عليها اشياء قليله لكنها مهمه ،،، لكن انا نصحتكم بمذكرة عدنان لانها مرتبة صح انك بتتعبي بتلخيصها لانك حتأشري الي يبغاه الروابده بس ،وحتلاقي الفرق بين الدروس كبير ،،، لكن لما تجي تذاكري بعدين راح تدعيلي لانك حتلاقي الخطوات مرتبه وفيه فقرات وترقيم والنقطه الي منتي فهمتها تقدري تقرأي الشرح حقها ،،، عكس مذكرة الروابده الكلام كله فوق بعض وماتعرفي الفرق بين الدرس والدرس الي بعده واغلب النقاط مافيها شرح صح انك منتي مطالبه بالشرح اذا ماهو موجود بمذكرة الروابده لكن صدقيني ماحتعرفي تحفظي الا اذا فهمتي (( ان شاء الله تكوني فهمتي طريقة المذاكره الي قلت عليها )). وبخصوص مذكرة عدنان اذا كنتي تقدري تشتريها من خوارزم الي خارج الجامعه تمام ،،، واذا ماتقدري ادورها لكي في المنتدى ممكن الاقيها ،،، انتظر ردك عارف اني طولت عليكي ،،، لكن المهم تكوني فهمتي شي من الحوسه الي قلتها شرفتينا زمرده ،،، والى الامااااااااااااااام تحياتي ،،، ولاتنسينا من دعواتك

هلا اخوي ،،،

ياليت تقرأ الرد الي كتبته للاخت زمرده .

واذا انت منزل الماده عن الروابده معانا هذي هيا افضل طريقه ،،، لان الروابده حاذف اشياء كثيره واضاف اشياء قليله لكن مهمه وجاب اسئله منها ،،، فما تقدر تاخذ مذكره غير مذكرته

وهذي الطريقه صح متعبه لكن ان شاء الله راح تقدر تجيب درجه عاليه اذا سويتها رغم ان الماده صعبه

لكن اذا انت ماتبغى تلخص مذكرة عدنان ،،، تقدر تكتفي بملخص الروابده ،،، لكن المشكله انك ماراح تفهم شي ،،، عشان كذا حاول تقرا من ملخص الروابده والي منت فاهمه دوره بملخص عدنان .

شرفتنا اخوي ،،، تحياتي