رد: القطبية والغير قطبية
أول شي السالبية يعني قدرة الذرة على جذب الالكترون ، أما السحابة هيا عدد أو وفرة الالكترونات حول النواة ،
وهيا مو نفس الشي بس السحابة الكبيرة تؤدي الى سالبية كبيرة ،
يعني لو عنصر عندو 7 الكترونات ( سحابة الكترونية ) حتكون سالبيتو عالية لأنو باقيلو عنصر واحد ويوصل للاستقرار 8 الكترونات فيجذب الالكترون بقووووة (سالبية عالية )
ودا شي لازم تفهميه عشان تفهمي القطبية ..
الرابطة القطبية أو التساهمية القطبية polar bond
هيا تحدث بين ذرتين كلهم الاتنين لافلزات إنهم يشتركو في الكترون أي كل ذرة تساهم بإلكترون ويكونوا زوج ،
بس تكون واحد من الذرتين السحابة الالكترونية أكبر يعني السالبية أكبر ، يعني وحدة من الذرتين عدد الالكترونات فيها أكبر ،
في هادي الحالة ، الذرة الي فيها عدد الكترونات أكبر ( السالبية أكبر ) هيا الي حتجذب زوج الالكترونات فترة أطول ولازم الذرة التانية تكون سالبيتها قليلة نوعا ما عشان يكون الفرق في السالبية عالي ، ونسميها تساهمية لأنو فيها مساهمة من ذرتين ، وسميناها قطبية لأنو زوج الالكترونات يقعد فترة أطول عند أحد الذرتين ( قطب ) ..
أما الغير قطبية ، نفس الهرجة ، رابطة تساهمية ، بس الذرتين ما يختلفوا كتير في السالبية عشان كدا مافي ذرة تستأثر فترة أطول بالزوج ، يعني الزوج مايقعد فترة طويلة عند أحد الذرتين ،
بس هادا هوا وان شالله أكون افدتك وكمان لو غلطت ياريت أحد يصححلييي xD
|