رد: شباب التخطيط الاستراتيجي مع محمد الروابده
السلام عليكم ،،،
كويس اني انتبهت للردود الجديده في الموضوع ،،، لاننا فقدنا التواصل بهذا الموضوع من فتره ،،، وافتكرت انه اسئلتكم انتهت او ماعندكم شي جديد ،،، انا فهمت من رد نبض الوفاء انه اختباركم الاثنين ،،، عشان كذا راح اقولكم وش صار معانا اليوم وإن شاء الله تستفيدوا .
عموما عندي لكم اخبار حلوه ،،، احنا اختبرنا اليوم والحمد لله كانت الاسئله حلوه
يعني اي وحده مذاكره تمام ،،، بتوفيق ربنا ماراح تنزل ان شاء الله عن 18 او على القليل 15 من 20 والشاطره مافي مانع تجيب 20 << اش رايكم بالخبر حلو صح .
ثاني شي الاسئلة كلها من المذكره حقت الروابده >>> كمان اعتقد انه خبر حلو
اما بالنسبه لطريقة المذاكره ،،، انا راح اعطيكم الطرق الي اشوف انها مناسبه
الطريقه الاولى ،،، تشترين ملخص الدكتور عدنان من خوارزم خارج الجامعه او تحملينه من الرابط الي حطيته بنفس الموضوع ،،، وتبدأي تأشري بملخص عدنان على الكلام الموجود في ملخص الروابده فقط وتضيفي عليها الاشياء الي ماهي موجوده (يعني انتي ماراح تذاكري الا الكلام الموجود بملخص الروابده )،،، بتقولولي اش الفايده لما اسوي كذا خلاص اذاكر من ملخص الروابده وانتهينا ،،، انا اشوف انك راح تكسبي الترتيب لانه ملخص الدكتور عدنان فيه الفقرات واضحه والتعداد واضح والتسلسل واضح ،،، يعني راح تقدري تربطي بين المواضيع وتعرفي موقعك من الاعراب زي مايقولوا ،،، لكن نصيحه الي ماهي شاطره في التلخيص تبعد عن هذي الطريقه لان الروابده حاذف اشياء كثيره من ملخص عدنان وفيه فرق كبير بين الدورس يعني ممكن تتوهي ،،، وكمان لو نسيتي ايه حاجه مكتوبه بملخص الروابده وماهي موجوده بملخص عدنان ممكن يجي منها سؤال .
الطريقه الثانيه تمسكي ملخص الروابده وتذاكري منه ولما تواجهكي ايه حاجه منتي فاهمتها او تحسي ان الكلام مو مربوط ببعض او الفقرات غير مرتبه ،،، ابحثي عن الدرس في بملخص عدنان وحاولي تفهميه .
واخيرا بالنسبه للاسئلة ،،، شوفوا خلونا نتفق من ذحين انا ماحكتبلكم الاسئله ،،، لاني ماابغى احد فيكم يكتفي بالاسئله الي كتبتها ويروح الدكتور ويغيرها وبعدين تجلسوا تدعوا عليه ،،، لكن بنفس الوقت راح اعطيكم المواضيع المهمه الي ركز عليها الدكتور وجاب منها اكثر من السؤال ،،، يعني انتوا ذاكروا الملخص كامل ،،، لكن الاشياء الي راح اقولكم عليها ركزا عليها تركيز جامد ،،، لانه يكون موضوع واحد مايتعدى صفحتين وعليه اكثر من سؤال ،،،
يالله نبدأ ،،، بسم الله
اول حاجه ركزوا على تعريف التخطيط ، والتخطيط الاستراتيجي ، والتنبؤ ،،، راح تلاقوها بصفحه وحده بملخص الروابده هذ عليه 3 اسئله احفضوها زي اسمكم
ثانيا عيوب الجهاز التلقائي للاسعار وضخامة اعداد القوى العامله ،،، حتلاقوها في نقد التخطيط
ثالثا المدى الزمني للتخطيط ،،، طويل ومتوسط وقصير تحفضوها مع شرحها
رابعا انواع التخطيط وركزوا على عيوبها
خامسا الجهاز التشريعي والتنفيذي تحفظوها مع شرحها
سادسا انواع التخطيط الاداري استراتيجي ووظيفي تحفضوها مع شرحها ومسمياتها
سابعا الاهداف الهامه لتخطيط القوى العامله في ميادين التعليم والبقيه تحفضوها مع شرحها
ثامنا طرق تقدير الاحتياجات المستقبليه ركزوا على عيوبها
تاسعا الغرض من وضع الاهداف (التاثير في مجرى تنمية المستقبل)
عاشرا ماهو ليس بالتخطيط الاستراتيجي تحفضوها مع شرحها
احدى عشر نقاط القوه والضعف والفرص والتهديدات تحفضوا جميع الحالات (فرص * نقاط ضعف وزي كذا)
طلب اخير يابنات ،،، تكفون طالبكم طلب ،،، وتكفى هذي تهز الرجال لكن مااعرف اش تسوي فالبنات
عموما لحد يعتمد على الاشياء الي حددتها فقط ،،، لازم تذاكرون المذكره كامله لكن ظروري ظروريتركزوا على هذي المواضيع ،،، يعني تركيز فقط
والخاتمه ،،، اتمنى انه كل وحده تدعيلي دعوه حلوه بمناسبة هذي الاخبار الحلوه ،،، ودعوه في ظهر الغيب تكفيني وزياده .
وان شاء الله تكون دايم الاخبار حلوه ،،، والله يوفقنا جميعا ،،، قولوا امين
تحياتي اخوكم طارق
|