السلام عليكم
كيف نفسيتك دحين حبيبي إن شاء الله أحسن
امممم أنا ما أقدر أقولك وقفي توتر بطلي قلق لكن بقولك إنو سبحان الله (التوتر والقلق والحزن والعصبية ) هذي الأشياء تخلي الواحد مو بوعيو وينسى كل شي يعني حتى لو جلس 24/24 يحفظ حينسى .إنتي قولي ربي معايا ومحا يسيبني وأكيد هوا كاتبلي الخير وإنتي أستهدي بالله وهذا كلو من الشيطان يحب ينغص علينا في أي شي يأذينا، ويارب ييسر أمورك كلها ويريح بالك ويهدي سرك وينور بصيرتك وتجيبي الفل مارك وتدخلي التخصص إللي تبغيه وإنتي مرتاحة مطمئنة وكل الطلاب يارب ....وأنا متاكدة إنك قدها وقدود بس إنتي قاعدة تدلعي علينا شويا
امممممم
وإذا تبغي الورقة إللي تلمع أبشري من عيوني خذي ورقتي أنا مافرقت معايا تلمع ولاتنور
وبرضو كمان إذا تبغي رقم أستاذة تحفة تفهمك كل إللي تبغيه وفي زمن قياسي من غير ماتضغطك برضو عندي بس اخاف أنزلو هنا وتزعل مني ولا شي وهيا لازم تروحيلها ماتجي البيت لأنو كل البنات يجوا عندها ياحلوة إنتي
إيش رايك نتقابل يوم السبت وإنتي حددي المكان والزمان وأبشري باللي يرضيكي
بس شرح والله إني مو فاهمة وحايسة كمان زيك بس الله يعين وإن شاء الله تتيسر ربنا معانا
ياريت لو فاهمة كان شرحتلك حتى لو تبغي من الجلدة للجلدة عيوني لكي
والسموحة على الإطالة
بالتوفيق لكل التحضيري