[خالد9921]

باك يا محمد < يدفرن الولد ودخوله قليل هالايام

بس دحين القريد ما يتغير على مدى فترة العمل؟ يعني الواحد يتوظف على 10 مثلا ثابت؟ ولا ممكن يصير 11 مع الوقت

لا لا يتغير طبعا وناس توصل لـ 13 و 14 وتصير حاجه كبيره
المهندسين الترفيع حقهم يتم غالبا كل 4 سنوات في اغلب الاحوال
بس هذا ما يعني انك راح تترفع وخلاص
اذا انك مهندس مبزوط في الشركه ابو توقع حضور وتداوم بس ونايم بالدوام
عادي عندهم يخلوك على قريدك لين تتقاعد زي مانتا تستلم راتبك وكل شي بس ما تترقى ..
يعني يعتمد على عملك وإجتهادك بالعمل
انا اخويه حتى ايام الجمعه بعضها صار يداوم فيها لغاية وصل 12
وواحد ثاني يعرفه جايب الماستر والدكتوراه وصل لـ 14 ماشاءالله (:

لالا في اسباب حقيقية ,, وما اعتقد اني رح احول هناك

على خير ان شاءالله
وماحد عارف يمكن ظروفك تتغير بالسنتين الجايه
عموما صب تركيزك الآن يا محمد بس عالمعدل والدرجات
وبعدها كل شي راح يتسهل ان شاءالله (:

بإذن الله رح اشد حيلي لكن خوفي كله من اول سنة في الكلية على حسب ما سمعت انها سنة ممكن المعدل ينخسف فيها .. مو ينقص بس انا ما ادري على ايش مستعجل :d إن شاء الله تخلص السنة هذي ويصير خير بعدها

محمد حبيبي الدنيا هاذي تزرع فيها فول يطلع لك فول
تزرع ورد .. يطلع لك ورد .. تزرع شوك .. يطلع لك شوك
< يا عيني على تشبيهاته
انتا لا تاخذ الكلام من واحد مستواه اي كلام ويقولك صعبه ومدري ايش
مع احترامي احنا مو جالسين ندرس علوم المريخ وزحل وماشاءالله شغالين عالقنبله النوويه بالهندسه !!
كلها مناهج دراسيه معروفه وقديمه ومخمجه من عشرات السنين بكليات الهندسه بالعالم كلوو
يعني النظريه تقولك انت من اول يوم تذاكر وتداوم بعزيمة الرجال ومعطي الامور حقها
اكيد راح يكون مستواك دايما a وفي اسوأ الحالات اذا حظك نحس b
اما انك تبزوط والا تتكاسل وهرجات زي كذا اكيد حتشوف الامور صعبه
بعدين الكلام هذا نفسه كنت تسمعه قبل التحضيريه وفي بدايتها صح ؟
والحين جربت التحضيريه وشفت كيف ان الامور كلها اجتهاد لا اكثر مافيها تفكير خرافي !!
واللي يقولك انها تخسف المعدل السنه الثانيه اقوله مرره سلامات
ايش حيسوي هذا وقت مشروع التخرج والا ساعات التخصص !!
يا رجل على قدر اهل العزم تأتي العزائم (:
وكثير من الطلاب تطيح معدلاتهم لانهم يستأمنوا للامور لما خلاص يدخلوا الهندسه
تفكير ابو خلاص صرت بالهندسه ريح نفسك ونام ما يجتهدوا زي ايام التحضيري وهيك :/

اما بالنسبه للاستعجال ,, عادي استعجل يا بطل هاذي اسمها رؤيه عالمدى البعيد
الناجحين يا محمد هم اللي خططوا على مدى 40 سنه قدام او اكثر خصوصا بالمرحلة الجامعية
استمر واستعجل لان هذا الصح انك ترسم رؤيتك عالمدى البعيد من بدري (:

لكن البرنامج يحمس شوية =)

شويه ؟ انا اقول شويات كمان
وفيه نقطه يمكن قريتها بصفحتهم
انو الشركه غير ملتزمه بالتوظيف بعدين
هاذي للناس اللي حتتخرج بمعدل اهبل حيشوتوهم
واحد سألني هنا بالموضوع هل لازم يكون معدلي عالي طول الوقت او لا
فلما قريت الشرط هذا عرفت انو لو معدلك طاح راح يشوتوك وقت التخرج

الله يخليك حبيبي , كلك ذوق واخلاق والله وهذا ما يدل إلا على طيب اصلك معليش تعبتك معايا .. لسه في نقاش طويل عريض وقت اختيار التخصص الهندسي بإذن الله

يخليك ربي يا غالي .. بعض من ذوقك لا تعب ولا شي والله (:
حياك بكل وقت بعدين بالصيفيه اسويلك اجتماع مغلق واحل مشكلة التخصص عندك

بالتوفيق محمد الله يسهل عليك (: