[الـمـقـاول]

تنسحب ليه ؟ ليه مااقمت تذاكر بدال القعده على النت وكتابة الموضوع هذا ؟


مشكلتنا نقول المواد صعبه ومانقدر نذاكرها مادري الجامعه معطيتك مواد تقول هات اشوف كيف تصنع الصاروخ ولا اصنع لي طياره حربيه !


ياخي طلاب الاقتصاد اغلبها نظري وكلها قرايه بقرايه اللهم تمسك القلم وتفتح الكتاب وتشوف وش اخذو طلاب الدوره وتراجع معاهم وكل يوم تذاكر ثلاث ساعات لكل الي خذوها وتجيب مدرس خصوصي للاحصاء او الرياضيات وتخليه يعلمك ويفهمك كل شي وتخليه يحل لك نماذج من الاختبارات السابقه وتحل معاه وانتهينا

اما تتضايق على شي لسه ماصار وتخاف من الرسوب ياخي قدامك شهر وشوي يمديك تسوي شي فيهم وانفض عنك غبار الكسل انا كنت ادرس انتظام بجامعة القصيم وانفصلت بسبب اهمالي للمذاكره وتفضيلي للنت والشاتات وغيرها عن الدراسه اخرتها فصلوني اكاديمي والان انا انتساب للاسف لكني خلاص شاد العزم اني ماكرر نفس الحركه وبعوض الي فاتني من سنين وان تصل متاخرا خير من ان لاتصل ابدا

اخوك المقاول