[weddah]

مادري انت تسأل عن كلية الطب ولا كلية علوم طبية تطبيقية
بس بجاوبك على كليتنا

اول شي كليتنا فيها 3 اقسام بالنسبة للاولاد اللي هي علاج طبيعي وتقنية مختبر وأشعة تشخيصية

الدراسة 5 سنوات = سنة تحضيري + 3 سنين دراسة + سنة تطبيق المستشفى
مافي ترم صيفي للكليات الطبية
وتتخصص بعد السنة التحضيرية على طول

كيفية الدراسة مافي شي مره سهل او مره صعب ولازم مذاكرة واجتهاد اكيد عشان يصير كل شي سهل
الدراسة بالانجليزي بس مو لازم من البداية تكون لغتك ممتازة
يمشي حالك لو لغتك متوسطة وبتتحسن من الوقت وبالتعود

المستقبل ان شاء الله حلو لكل اقسام الكلية ويتخرج اخصائي ويشتغل في مستشفى غالبا

كلية العلوم الطبية التطبيقية زي ما قلت تشمل قسم المختبر والعلاج الطبيعي والاشعة وتخرج اخصائيين
اما العلوم الطبية الاساسية اللي هي التشريح وعلم وظائف الاعضاء وماعرف ايش كمان اللي سمعته ان اللي يدرسها يصير معيد في كلية الطب

المعدل بالنسبة للاولاد اسهل كثير من البنات ماعرف اذا فيه شروط او حد معين بس اذا معدلك كويس ان شاء الله تنقبل في اللي تبغاه


واكيد القلق شعووور طبيعي ما يروح غير بعد التسكين

ويا هلا فيك ان شاء الله قدرت اساعدك