رد: الى كل من اجتاز المستوى الخامس الى الثامن اولاد بنات مشرفين مشرفات اي شي .
وعليكم السلام ورحمة الله وبركاته
ماشالله نور العمر الغاليه ماقصرت وافادتك
لكن احب اضيف امر بسيط
انا مادرست من المواد الي ذكرتها غير الادب
والبحث والصرف مواد عندي هالترم ومااقدر افيدك عنها كثير بحكم اني لم انهيها بعد
الادب كانت ماده متوسطه الصعوبه بالنسبه لي اقصد كمذاكره لانها دسمه شوي وتحتاج وقت وتركيز اما الامتحان كان بالنسبه لي جدا متوقع واسئلته مباشره وسهله الحمدلله
تحتاج انك تمسكها من بدري وتقسم مذاكراتها على اجزاء
انا مشيت بهذي الطريقه
1- قرات عناصر القصه القصيره ووبعدها بدات قراءة نصوص القصص ومحاوله استنباط العناصر منها وطبعا قرات التحاليل والشروحات الخاصه بكل قصه وحفظت معلومات العناصر الاساسيه فيها واخر شي حاولت قراءه اسئله الدليل الارشادي الخاص بالطالبات وكيف ممكن نجاوب عليها واستفدت منها كثير بصراحه لانها كانت مقاربه جدا لاسئله امتحاننا وحط في بالك لازم تذاكر بالورقه والقلم يعني تتدرب على التحليل والشرح كتابةً
حتى يسهل عليك الاجابه في الامتحان
2- مسكت جزء الشعر وقرات عناصره وبعدها نفس الشي بدات تطبيقها على النصوص (القصائد) وقراءه تحالياها وشرحها ومحاوله فهمها وحفظ معلومات العناصر الاساسيه وبرضو كل هالكلام لازم كتابه
3- مسكت المسرحيه وطبقت عليها نفس الخطوات السابقه
يعني يدك لازم تاخذ على الكتابه والتحليل ومحاوله ربط المعلومات هذا امر مهم واساسي خاصه في مواد الادب كلها
وكل الشروحات والتحاليل الي لازم تذاكرها موجوده عندك في الروابط الي حطتها نور العمر
بالنسبه لمناهج البحث --الي اعرفه مطلوب من طلاب الانتساب فقط دراسه المنهج ولا يطلب منكم عمل بحث مثل طالبات الانتساب
في النهايه لكل مجتهد نصيب شد حيلك وربي يفتح عليك ويسهل عليك موادك وعالجميع
|