[سجينة اليأس]

المشاركة الأصلية كتبت بواسطة laura h اول شي الللللللللللف مبرووووك التخرج وعقبال الوظيفة اللي تستاهليها.. تانيا انا الترم اللي فات اختبرت المادة الملعونة هذه وللاسف مانجحت وكل البنات طلعوا معصبين من الامتحان..

الله يبارك فيكي وان شاء الله اتوظف وظيفة مرموقة في أحسن مكان << احلمي ههه
وبالفعل كل البنات اللي اعرفهم واختبرو المادة مانجحو ماعدا بنتين فقط وحدة منهم قصتها مثل قصتي مااتخرجت الترم قبل اللي فات بسبب المادة دي فقط واخذتها الترم اللي راح وذاكرنا سوا والحمدلله نجحنا .. والبنت التانية برضه صحبتي وبرضه ذاكرنا سوا بس هذي مسكينة رابع مرة تاخذ المادة !!!! قمة الإحباط والله .. بس بركة عدينا بعد تفحيط عميق ومجهود لايوصف في المذاكرة

المشاركة الأصلية كتبت بواسطة laura h >>> لا تكوني انتي البنت اللي كانت تبكي عند باب القاعة من الاسئله اللي تقهر؟!!! والترم هذا ان شالله مع مس خوله ويارب اسالتها تكون حلوة زي شرحها..

أنا كنت أبكي بس مو عند باب القاعة .. أنا وصديقتي اخر اثنين سلمنا ورقة الاختبار وقعدت ابكي جوة القاعة وأبربر عند الدكتورة وفجأة جاني انهيار واغمى عليا وشالوني المراقبات وغسلو وجهي بموية وكنت اتنااااااااااافض وموقادرة امشي .. وتحسبي الدكتورة اهتمت باللي صار ههههههههه
ولا اهتمت ولا حتى جات عشان تساعد المراقبة وصديقتي وهم يشيلوني ولا أي تعليق بس طالعت من الجنب وقالت: ليه دا كله ؟؟ اذا كنتي واثقة من مذاكرتك واجاباتك مش محتاجة انك تتوتري كدا وتعيطي << الظاهر تحسبني امثل عليها وانا وربي من جد مادريت عن نفسي الا وانا مشيولة وبيجلسوني عالكرسي

ماعلينا الله يسامحها بس موقفها كان غير انساني .. انا لو ألاقي احد مااعرفه طايح بالشارع او مغمى عليه رح اجري واحاول أساعده بأي طريقة .. أما هذي الدكتورة شايفة طالبة من طالباتها طاحت قدامها ولا اهتزت فيها شعرة ولا فكرت تجي تساعدها يمكن على بالها لو ساعدتني رح تنفهم غلط مني ومن الناس اللي حولي أو بيقولو ( الدكتورة ساعدت البنت يعني حزنت عليها ورح تنجحها بدون وجه حق ) الله أعلم ايش في بالها بس برضه هذا ما يبرر لها موقفها في هذيك اللحظة

الله يسامحها وماابغا منها شي ولا بغيت انها تحزن عليا وتنجحني .. الحمدلله اني نجحت بمجهودي وجبت 70 يعني أعلى من درجة النجاح وهذا أكبر دليل اني ذبحت نفسي من المذاكرة واستحقيت النجاح

<< فضفضت اللي في نفسها

أدري كلامي كثير بس حبيت أحكي لكم قصتي مع هذي المادة الخايسة :-(


شكرا على مرورك يالغلا ويارب انه خولة تعطيكم اياها هذا الترم وتجيب اسئلة معقولة عالاقل بلاش نقول سهلة لأنه مستحيل .. بس أقلها معقولة ومفهومة

يارب تتوفقو كلكم