[د.فرحْ ,!]

السلام عليكم ورحمة الله .

ومادة مهمة وأساسية كـالأحياء تدرس بــ (( تست بانك ))

اعطيني نفسس الكتاب بس بالعربي ..
ومستعدة افهم و احفظ من الجلدة للجلدة ..
منهج الاحياء دسم ومو سهل على اللي لغتهم الانجليزية العلمية شبه معدومة ..
لو رجعنا لوراء ست سنين ..
ست سنين واحنا بنتعلم انجليزي بس مو عارفين نتكلم ..
انا مَ حقول المشكلة من الابلات ولا حتى من الطالبات ..
المشكلة احنا ما كنا حاسين باهمية اللغة ..
كانوا يعطونا ورقتين ثلاث قبل النهائي نذاكر منها ..
حتى التعبير يحفظونا اياه ..
وهذا ابدا مو اسلوب تعليم .. نحفظ كل شي ونفضي على الورقة .. وننسى ..
انا اعرف وحدة متخرجة من مدرسة عالمية ..
تقول الكتاب اسهل من التست بانك والباور ..
حاولت افتح الكتاب يومين ثلاثة بس مَ قدرت اكمل من الكم الهائل من المصطلحات
حيروح الوقت وانا بترجم بعدين افهم وبعدها احفظ ..
واذا انت مو حاب فكرة التست بانك تقدر تذاكر من الكتاب ..

الاحصاء احنا نذاكره من الكتاب بس لانو مسائل واللغة مَ حتأثر كثير ..
اول مره اسمع انو في تست بانك للاحصاء ؟؟

الكيمياء نفس الحكاية نذاكر المنهج كله من الكتاب ومحد معترض ...

انا معاك انو احنا في نعمة ..
بس ترى كلاساتنا مو قمة الكمالية زي ما انت بتقول ..
ضاعت 6 محاضرات احياء بسبب عطل في الــ data show هذا الكلام في مبنى 10
مبنى 3 اذا في data show الكومبيوتر عطلان واذا فيه كومبيوتر الـ data show لا يعمل ..
وهذا الشي من سنتين .. يعني مو من يومين ولا 3 ..
كل سنة تتاخر عروض مهارات الاتصال لنفسس السبب ..
والله المستعان ..

بالنسبة للبونس انا من اول ضد هذا الشي ..
احنا في الجامعة كلنا دوافير ماشاء الله ..
نقدر نتنافس على التخصصات وكل وحدة ومجهودها ..
واحس البونس زي مَ بيساعد بنات بيظلم بنات ..
لو يشيلوه احسن ..
والحمدلله انا في هذا السمستر مَ عندي بونس ..
........

فكرة التصحيح الالي ..
انا معاها بما انهم يخلونا نراجع اوراقنا ..
تحصل اخطاء احيانا بس تكون جدا غبية ..
في اختبار الاحياء كان فيه سؤال عليه خيارات كالتالي :
c - b - c - d
مافي a
والاجابة الصحيحة كانت a
سالنا الاستاذة وقت الاختبار قالت لنا اختاروا a في ورقة الاجابة ..
طبعا هذا الشي روّح علينا درجة ..
لانو في التصحيح الالي حاط الاجابة على انها c
...........
اعتذر ع الاطالة واهنيك على اسلوبك في الطرح ..
تقبل ردي بصدر رحب ..
دمت بالف خير ..