[وفاء جدة]

وهنا أعرض عليكم بعض الخلطات والوصفات المفيدة للشعر من بحثي في النت على لسان من كتبها وهي مجربة بأمانتهم وشهادتهم والله أعلم... (1) إليكم هذه الخلطة العجيبة من اكتشافي لتنعيم الشعر وتطويله ولمعانه خلطت أربع أكواب زيت خروع مع كوب زيت اللوز الحلو مع 5 ملاعق إثمد أحمر مع 5 ملاعق حلبه مطحونة مع 3 ملاعق محلب و4 فصوص ثوم مقطعه شرائح ويترك الزيت أسبوع ثم يدهن الشعر مرتين يوميا من تجاربي الشخصية وأصبح شعري مفرودا ولامع ويطول بسرعة مع العلم أن شعري كان تالفاً ومتوقفاً عن النمو (2) خلطة لــتنعيم الــشــعـر: فنجان زيت لوز عشبة إكليل الجبل علبة زبادي تخلط المقادير ومن ثم يضاف إليها ماء دافئ وتوضع على الشعر لمدة ساعة ثم يغسل بالشامبو (3) حبايب قلبي تبين شعرك للركب ايه للركب من دون مبالغه الخلطة اللي راح أكتبها لكم راح أقلكم قصتها قبل ثلاث سنين كان شعري نصف ظهري من يوم عرفته وعرفني هذا طوله ماتغير لأن ماعمري قصيت شعري يعني تخيلوا 17 سنه وهذا طوله معناه وقف نموه بدري >>>معه شيخوخة مبكرة وتجي وحدة من البنات تتحداني أقص شعري بوي يعني كريه تخيلوا أول ما رجعت البيت دخلت الحمام و قصيته وشعري بيدي ايش طوله بعد ما قصيته رجع لي عقلي يا ويلي من أمي المهم أخذت تهزيئة إلى اليوم أتذكرها المهم مر على قص الشعر 7 شهور وطول قد الإنمله وأحوس واسأل عن خلطات يقولوا حناء كنت صابغه وإذا حنيت خرب فرفضت الحناء ويوم من الأيام أقعد على شات بداية وأرسل المعاناة وترد وحده الله يجزاها الجنة ويخلي لها بناتها وتقول إن شعر بناتها للركب خلال سنه ونص من هاذي الخلطة وطرت وسويتها و إستمريت عليها 8 شهور وشعري وصل لآخر ظهري تخيلوا بس 8شهور لو استمر سنه ونص مثل صاحبة الخلطة غير توصل للركب لدرجة صديقتي تحسبه باروكة وبنات عمي مكذبين عيونهم إن هذا شعري والله و الله من غير مبالغه لمى أروح المشغل الكوافيرات والبنات اللي جايات يستشورون شعرهم يجوا يسألوني عن سر طول وجمال شعري>>>اذكروا الله ^ ^ ^ المقادير فنجان محلب مطحون فنجان نوى تمر محموس ومطحون كوب سمن شوكه وملعقه كوب زيت عافيه الطريــقــة : نحط قدر على النار ونحط زيت العافية والسمن إلى أن يسخن ويصير حار نحط المحلب والنوى المطحون و إذا غلى شوي طفيه وحطيه ببرطمان قزاز يكون نظيف وبعد أسبوع يستخدم طريقة الاستخدام : * الكميه تكفي لمدة سنه * توزعيه على الشعر مضبوط من الجذور للأطراف * تحطي كيس على شعرك بعدين تلفي شعرك بشال يعني طرحه لمدة 7 أو 8 ساعات ضروري بعدين تغسلي شعرك بشامبو مناسب لشعرك لا تستهيني بالشامبو إذا شعرك جاف لاتستخدمي شامبو للشعر الدهني هذا غلطxغلط استخدمي شامبو يناسب نوعية شعرك .. * تستخدم مره بالأسبوع أو مرتين أنا عن نفسي كنت استخدمها مره لأني كنت استخدم خلطه ثانيه . طريقة استخدام الشامبو الصحيحة : خذي صحن وحطي الشامبو فيه وحطي موية و إرغيه يعني حركيه بيدك عشان يندمج الشامبو مع الموية بعدين نزلي راسك وحطي الشامبو بعدين وزعيه بيدك على الشعر كله بعدين اشطفيه السبب لان الشامبو مواد كيماويه والشعر لا يحتمل وبزياده مقدمة الرأس عشان كذا لازم تخففيه بالماء بعدين تحطيه (4) مرحبا بنات أنا من زمان قريت بالمنتدى عن خلطه للشعر وسويتها والله يابنات سويتها و أنا حامل وكثف شعري حييييييل قلت يمكن عشان الحمل وبعد الحمل سويتها والله مرتين سويها وشوفي شعرك شلون متغذي وكثييييف ووقفتها حاليا بدا شعري يتقصف ويخرب من الإستشوار الحين برجع معاكم ياحلوات خلونا نسويها سوا ::الخلطه :: تجيبين قدر على النار وتقطعين بصله واحده إلى أرباع وفصين ثوم إلى أنصاف وتغلينه بكاس مويه حار إلى أن يصبح لونه اصفر تشيلين القطع البصل والثوم وترمينها وبعدها حطي ملعقتين زيت خروع وملعقتين زيت لوز <<وهذا مو لازم اللوز اذا مو موجود عندك وحطي 4ملاعق سدر إلى أن يصير ليَن لا ثقيل ولا خفيف زي المويه خليه وسط وحطيه على شعرك 3ساعات بعدها إغسلي شعرك زين بشامبو الأطفال و إذا تبين تحطين بعدها ماسك حطي عشان بيصير الشعره قاسيه شوي سويه 3مرات بالأسبوع والله يابنات راح تدعولي (5) وهذه قصتي ,, يوم من الايام كنت اتكلم مع زميلتي وقلت لها شعري بس يطيح وشعر مررره صار قليل لانها جتني فتره كذا كان شعري قالت لي انا عندي الحل.. وحلفت بربها انها استخدمته و ورتني قصتها وبالفعل لقيت نابت شعرها منه اكيد تبون تعرفون ايش هوه (( عشبة الزعتر البري )) اقسم برب العزه والجلال اللي يشهد عليه الان اني جربتها بنفسي اشتريت منها وصرت اغليها في مويه على النار واخليها تبرد واحطها في بخاخ والله مااكذب عليكم انها نتيجه 100% ومن ثاني استخدام لاحظت انه طلع لي شعر والله كان عندي فراغ في قصتي من كثر الإستشوار وتغطى من الزعتر .. ((قولوا ما شاء الله)) اسمعوا هذه للإفادة بس انا سمعت عن موضوع في المنتدى عن السدر انه برضو يكثر الشعر وصرت كل ماأغسل شعري أحط سدر وبالفعل رووعه يقوي الشعر,, : :