[سارة المتعذبة]

ححاول اشرحلك وإن شاء الله تفهمي مني

دحين لما يديكي مجموعة ارقام ويقولك اش القيمة الشاذة ممكن تعرفيها بالنظر زي مثلا
26.24.22.1000
كدة واضحة
بس اش الطريقة العلمية اللي فيها تسبتي انو في قية شاذة
لانو كمان احياننا ماتكون واضحة بالنظر
فهما اعتمدو على طريقة علمية

اللي هيا اول شي تجيبي Q1 وال Q3 زي ما اتعودنا
وبعجين تطرحي Q3-Q1
وناتج الطرح تاخدي وتضربي في 1.5
والناتج اللي حيطلع تاخدي ومرة تطرحي من Q1 ومرة تجمعي على Q3

نفرض انو لما طرحتيه من Q1 طلعلك -2
ولما جمعتيه على Q3 طلعلك 15

فاش حتقولي

انو سار عندك فترة اللي هية [15,-2]
اي عدد حيطلعلك اكبر من ال15 حيكون قيمة شاذة
واي عدد حيطلعلك اقل من ال -2 كمان حيكون قيمة شاذة

وطبعا مو بالضرورة يكون في قيمة شاذة


وسوري المصطلحات كتبتها بالعربي ويارب تكوني فهمتي

ارجعي في الكتاب example 3-37