السلام عليكم ورحمة الله وبركاته
كيفكم بنات؟
وكيف الدراسة معاكم؟
نخش في الموضوع .. رح أقولكم معاناتي في الدنيا دي
لو قلت قصتي أكيد كتير رح يعرفوني لأني انشهرت بيها هههه
أنا اللي كنت تخرج الترم قبل اللي راح وعديت كل المواد ماعدا الأبلايد مع الدكتورة منال التاودي وقعدت انتظر ترم كااااامل 7 شهور (عشان اجازة الصيف) عشان مادة وحدة بس وطبعاً أنواع التوتر والقهر والتفحيط في المذاكرة ...... الخ , وجا اليوم الموعود .. وطبعاً أسئلة عجيبة مثل مااتوقعت , بعضها حليتها وبعضها إلين يومكم هذا مالقيتها في الكتاب مدري من فين جات بالضبط , المهم خلاصة الموضوع / بناءاً على طلب صديقاتي اللي ماأخذو المادة ومرعوبين منها أكيد , وكمان اللي أخذو المادة ومانجحو فيها ونسيو الأسئلة من صدمة النتيجة L .. حاولت قد ماأقدر إني أكتب الأسئلة اللي افتكرتها واللي ماافتكرتها عاد العذر والسموحة أنا بنفسي كنت مصدومة من الاختبار واشوة اني افتكرت شي من الأساس .. بس الحمد لله عديت بأعجوبة وجبت 70 بكل فخر << قال يعني ممتاز ههه واتخرجت وعلقت الشهادة على الثلاجة وبروزتها كمان هههههه
كان الاختبار نموذجين ( أ ) – ( ب ) وكل نموذج فيه اسئلة مختلفة تماماً عن الثاني , وطريقة الاسئلة في كلا النموذجين كالتالي :
اختياري 15 فقرة
فراغات 18 فقرة
تعاريف 2 واحد منهم تعريفه طويل والثاني مختصر
مقارنة 1
مقالي ( تعداد ) 2
انا كان نموذجي ( ب) ودحين رح اكتب لكم اسئلة نموذجي افتكرت منها 80% والباقي مو فاكرته بصراحة .. وبالنسبة للنموذج الثاني اخذت من صحباتي التعاريف والمقارنة والتعداد فقط أما الباقي مو فاكرين غير طراطيش كلام L
ملاحظة: بعض الاسئلة رح أكتبها تقريباً مثل ماجات في الاختبار بالضبط وبعضها رح اكتبها بالمعنى .. بعض الاختياري فاكرة الـ 3 خيارات وبعضها مو فاكرة إلا خيارين وبعضها خيار واحد بس L , يعني لما تشوفو فراغ يعني مو عارفة الخيار هذا , أهم شي تعرفوا رأس السؤال وانتو عاد ابحثو عنه في الكتاب واقرأو الكلام اللي حاواليه , اللي بالأحمر هيه الإجابة الصحيحة واللي مافيه أحمر يعني إلى يومكم هذا ماعرفت إجابته هههه
يللا نبدأ بسم الله :
Choose the correct answer
Who Introduced the direct method
Guin
- - - - -
Charles berlitz
The psychologist who represents constructivism school is
Skinner
Roger
Ausable
Mimic of phonological is not the code of semantic
Surface imitation
Echoing
Deep imitation
The stimuli in skinner's operant conditioning is
Important
De-emphasized
- - - - - -
Left hemisphere from child to adult - - - - dominate in
- - - -
More
Less
- - - -
مافهمت السؤال ولا عرفت الاجابة
The - - - - - more voluntarily in second language to the first language in
Children
Teenager
Adult
بصراحة ماعرفت الإجابة ولكني جاوبت الإجابة الأولى
The example of meaningful learning is
- - - - -
Address
- - - - -
One of the behaviorism school behaviorists is
- - - - -
Leonard Bloomfield
- - - - -
الربط بين خصائص اللغة الثانية بالأولى في الفصل الثالث
- - - - -
Myth
- - - - -
The actual doing of something
Competence
Performance
- - - - -
The structural school
1940
1960
1990
وكمان كان في فقرة عن language teacher بس للأسف نسيت السؤال
خلصنا من الاختياري نجي للفراغات .. طبعاً نسيت الإجابات لأني للأسف ماكتبتها مباشرة بعد الاختبار يدووووب كتبت الأسئلة قبل لاأنساها وطبعاً بالقوة افتكرت 11 فقرة من 18 فقرة .. رح تلاقو فراغات جاية لوحدها بسطر والسؤال تحتها , أقصد إنه هذا الفراغ اللي لوحده المفروض يكون في بداية الفقرة اللي تحته وحاولت أكتبها جنبه في البداية مانفع صار يجي الفراغ بعد الفقرة على غفلة .. فكتبته بالسطر اللي قبل الفقرة
forth step of effective domain - - - - - the values into a system
- - - - - stimuli and - - - - -
- - - - - stimuli needs - - - - -
Ausable theory named - - - - - learning
- - - - -
based rote and - - - - - learning
- - - - -
is a strategy to see the parts of relevant items
- - - - -
reasoning is from generalization to specific facts
- - - - -
refer to underlying knowledge of system
- - - - -
type of character which is cognitive-logical-analytical
the structural linguist examined only the overtly - - - - data
- - - - -
build defensive for the language ego
وفي فقرة عن التابولا راسا جات للنموذج الثاني وباقي الفقرات البنات مو فاكرين شي للأسف
Define
self-esteem situation
feeling character
تعاريف النموذج الثاني
introversion
intuitive character
compare between extroversion and introversion
مقارنة النموذج الثاني
compare between coordinate and compound learner
ودحين جا وقت الأسئلة المقالية ( التعداد يكون نقاط بالشرح طبعاً مو رؤوس أقلام والسلام ) L
LAD characteristics
six needs of motivation
أسئلة النموذج الثاني
translation method characteristics
affective domain
طبعاً أرفقت لكم بعض الملخصات اللي ساعدتني في المذاكرة ونماذج أسئلة سابقة للدكتورة منال التاودي , بالإضافة إلى ملخصين رائعين لأخت اسمها أم دانة اشتريتها من مكتبة الأمين أو الخوارزم اللي جنب الجامعة مو فاكرة .. ملخص رهيب ماشاء الله للفصل الأول والثاني والثالث وأسئلة لكل نقطة فيها وتعداد ومقارنات وجدول للمدارس وكل شي .. يعني انا اعتمدت في مذاكرة الثلاث فصول الأولى على الملخصات هذي وبعدها راجعت من الكتاب .. وعلى فكرة في طالبات صوروها مني الترم اللي فات وبياخذو المادة هذا الترم إن شاء الله فلما تبدأ الدورة اسألو في الكلاس مين اللي عندها الملخصات وصوروها أو اشتروها من المكتبة اللي برة الجامعة إذا لقيتوها .. وطبعاً نصيحة عن تجربة / بالنسبة للأسئلة المقالية دايماً تجي وحدة مقارنة واثنين تعداد .. يعني ركزو على كل المقارنات والتعدادات اللي تتوقعوها واللي ماتتوقعوها ممكن تجي حتى اللي في آخر الفصل in the class room بعضها معانا حسب تأشير الدكتورة وبالفعل جات وحدة منها في الاختبار .. ركزو على التعاريف اللي بين الكلام .. والمصطلحات اللي باللون الغامق .. المدارس مرررررة مهمة وفي كل فصل المدارس تتكرر لازم تذاكروها من جديد لأنه في معلومات إضافية وممكن تجيب منها مثل ماجابت في وحدة من أسئلة الاختياري أنه في عالم من مؤسسي وحدة من المدارس ولكنه مو مذكور في شرح المدارس اللي بالفصول الأولى ولكن موجود على غفلة في الفصل الخامس أظن لأنه أضاف شي للمدرسة بس متأخر .. يعني لاتعتمدوا على المعلومات اللي في البداية ولما تشوفوها تتكرر تطنشوها وتقولو أكيد نفس الكلام .. لأ لأ ذاكروها أكيد بتطلعو بمعلومة جديدة , نصيحة كمان انتبهو تذاكرو المادة قبل الاختبار بأسبوعين ترى مررررة مايكفي لأنه المادة حفظ حفظ حفظ حتى إذا في أشياء غير منطقية ماتنفهم لازم تحفظوها مثل ماهي وعشان تحفظو لازم المعلومة تقرأوها 10 مرات أو أكثر .. يعني الكتاب كبير ودسم و6 فصول وحفظ زي كأنكم تذاكرو تاريخ .. يعني أسبوعين مايكفو أبداً , أقل شي شهر عشان تعيدو وتزيدو في حفظ المنهج عدة مرات وبعد الحفظ تراجعو اللي حفظتوه بالكتابة في دفتر خارجي عشان تتأكدو إنه المعلومة رسخت وطبعاً هذي الحركة يبغالها وقت , هذي نصيحتي عاد ومع المذاكرة رح تتأكدو من كلامي
واسفة على الإطالة عارفة طفشتكم بس والله أنا عانيت من هذي المادة ومن إيجاد طريقة لمذاكرتها وحابة أساعدكم عشان تنجحو فيها وتفتكو .. ويارب يارب تكون الإشاعة اللي سمعتها هذا الترم صحيحة .. إنه اللي بتمسك المادة الدكتورة خولة لأنه كل شي رح يفرق كثير في الشرح والتأشير ولكن تظل طريقة المذاكرة نفسها ( حفظ ) L
اتمنى تدعولي إنه ربي يسهل أموري كلها ويوفقني ويتمم زواجي على خير بعد شهرين إن شاء الله وعقبال العازبات بالزواج وعقبال الكل بالتخرج إن شاء الله