[! سلطـــان !]

المشاركة الأصلية كتبت بواسطة كنوده السلآم عليكم ~ آنآ طالبة ثآلث ثآنوي آدبي من أبهآ وحآبه استفسر عن التعليم عن بعد !! 1- فيه رسوم ؟ وكم الرسوم على كل مستوى ؟ 2- تنزل مكآفآت ؟ 3- وين أختبر ؟ بنفس الجآمعه ولآ عآدي بأي مركز في مديتني ؟ ... لأن السفر رآح يكون صعب علي ~ 4- وش التخصصآت اللي تنآسبه ؟ وبالذات للأدبي ؟؟ بلييييييييييز سآعدوني !! وتنصحوني فيه ولآ لآ ؟؟؟؟؟؟؟

رسوم التعليم عن بعد 4000 ريال لكل ترم ومافي مكافآت انتي تدفعين لهم

التخصصات محدوده بالتعليم عن بعد : انجليزي و ادارة عامة وعلم نفس وادارة اعمال بكلية الاعمال برابغ _ تابعة لجامعة الملك عبدالعزيز_ ادارة الاعمال تندرج تحتها تخصصات تسويق وموارد بشرية وقانون

الاختبارات النهائية بالسنة الاولى تقدرين تختبرين بأبها مع دفع رسوم 1000 ريال باقي السنوات يكون الاختبار بجدة الا اذا كان تخصصك ادارة اعمال تقدرين تختبرين بمدينتك لباقي السنوات مع رسوم 1000 ريال ... وممكن بعدين يفتحون المجال للاختبار بالمناطق لجميع التخصصات ولكن حاليا مافي الا لطلاب ادارة الاعمال

جميع هذي التخصصات تقدرين تدرسين اي واحد منها

وبصراحة ما انصحك انتي توك في بداية مشوارك الدراسي قدمي ع الجامعات الحكومية بمنطقتك وان شاء الله تتيسر امورك واذا لا سمح الله ما انقبلتي قدمي ع التعليم عن بعد سواء هنا او بجامعة الملك فيصل

وانا انصحك بجامعة الملك فيصل لان رسومهم اقل وتقدرين تختبرين بمنطقتك لجميع المستويات وبدون رسوم ولكن التخصصات بجامعة عبدالعزيز اكثر شوي

سوي سيرش عن جامعة الملك فيصل وتصفحي موقعهم وشوفي تخصصاتهم

بالتوفيق