رد: بخصووص الكيميا يوم السبت!!!
امممم انصحكم تذاكروا من ملخصات د.زويل وكمان في عندو تست بانك حاطط فيه اسئلة اختبار الدوري الاول السمستر الي فات حاطط حق البنات وحق الاولاد والله كتيييييييييييير اسئلة جات منو ولو تسمعو المحاضرات حقتو لانو لمن بيحل الاسئلة هادي الي هيا حقت الدوري الي فات بيعطي افكار تانية ممكن تجي وفعلا والله جات
وموفقين يااااااااااااارب
امممممم ركزوا على اسئلة عدد الالكترونا والبروتونات اعرفو انو ادا كان عندك عنصر مثلا na وايون ال na وقتها حيختلف عدد الالكترونات بس وادا كان مثلا عندك عنصر ال o ونظير ال o وقتها حتكون الالكترونات متساوية مع البروتونات لكن عدد النيترونات حيختلف>>جانا كدا سؤال عن دي الجزئية
امممم كمان في ممكن يعطوكم اربع عبارات وتختار الخطأ حقنا كان انو الصيغة الجزيئية الي هيا الملكيول فورمال تعبر عن ابسط عدد للذرات طبعا خطا لانو دا الشي خاص بالامبيريكال فورمال
اممم كمان فيه جابولنا جسمين واعطونا للجسم الاول بس الكثافة وللجسم التاني اعطونا الكثافة والكتلة ويبغى كتلة الجسم الاول مع العلم انو الجسمين متساويين بالحجم وقتها رح تجيب الحجم للجسم الثاني بانك تقسم الكتلة على الكثافة فحيطلعلك الحجم هادا الحجم حيكون للجسمين فانت بكدا جبت حجم الاجسم الاول الي مطلوبة كتلته فاضرب الكثافة في دا الحجم حتطلعلك الكتلة
هادا الي فاكرتو دحين والله
|