طيب لاحظ انا في ردي وش قلت !!
انه شي طبيعي اي جااامعه حيكون فيها عيوب ومميزات ...
يعني اوكي انا معك صح كل شيء الا الظلم .. لكن هل معنااااه اخطوا في هالشي نقعد نسب فيهم وبكل منسووبيهم وباختباراتهم ووو ..؟
اوكي نطالب بحقنا بهالشي اللي ظلمونا فيه ماقلت شي .. لكن الي مايعجبني التسخط على طول والتذمرر على الجامعه ووضع كل اللوم عليها ..
يعني مثلا بنات كثير عندنا بس يسبون ومايعجبهم الاختبار ودايم على لساانهم يقولون يالله على قد ما نذاكر الا انه الاسئلة تجي صعبه ومانحل وحرام عليهم وهذا ظلم وهذي الجامعه مدري كيف وووو
طيب انا الحمدلله يارب وغيري كثير من البنات نذاكر وعلى قد المذاكره تجي درجاتنا الحمدلله ..
هل معناه انه الاسئله كان فيها خلل !! او شيء تعجيزي كان من خارج المنهج مثلا !! او احنا عقولنا غير عن هذولي البنات !! لا ابدا بس زي ماقال صاحب الموضوع شي طبيعي تجيك الاسئلة مو مباشره محووره انت في جامعه مو مدرســه .. فالسبب في حصول بعض الطالبات على مستوى متدني هذا يرجع لنفس الطالب يمكن كان طريقة مذاكرته غلط يمكن ماركز ما اجتهد مره ..
فاللي ابغا اوصله انه اغلاطنا لا نقعد نحطها بالجامعه !! ونخليها اخس جامعه بعيونا ! وعلى فكره ترا كمان من بعض طلاب الجامعات الثانيه يشتكون برضو من جامعتهم ..
طيب عارف والله بنت عمتي في الجامعة العربيه المفتوحه الاختبار كان نهائي من 50 والاسئلة 3 اسئلة بس !! تخيييييييل يعني ماحليت سؤال يروح عليك اكثر من 15 درجة
وغير كذا هم نظامهم غير .. يطلبون درجات النجااح من الاختبارات بشكل صعب
انه في النهاائي يطلبون فيه من كم درجة النجاح والنصفي نفس الشي
لكن احنا في جامعتنا نجيب اهم شي 60 من وين ماكاانت ان شاء الله اخذت بالدوري الاول 0 لكن عوضتها بالنهائي وبالدوري الثاني خلاص تعدي ..
فا الواحد يقول الحمدلله على كل حال ..
اما سالفة الظلم هذي شي ثاني وماقصدتها انا في كلامي الاول .. واي احد مظلوم من حقه يشتكي .. ويطالب بحقه طبعا ..
آسفه على الاطاله ...
>>مرره فيني نووم بس ماحبيت انام وانا مارديت .. عشان اوصلك الفكرة بس ..
مووفقين ..