[بنت عسير]

السلام عليكم ورحمة الله وبركاته
وعليكم السلام ورحمة الله وبركاته
لكل الأعضاء الموجودين هنا .. اتمنى انكم تفيدوني وتتحملوني على إطالتي
ولا يهمك حبيبتي كلنا كنا مثلك ما احد ولد متعلم
انا طالبة في الصف ثالث ثانوي في القسم الأدبي .. وانا حابة إن شاء الله اتخصص علم نفس
بس انا ابغا اعرف معلومات عن قسم علم النفس
الله يوفقك وتتخرجين بدرجات عاليه يا رب
اول شي انا سمعت انو اللي يبا يسير دكتور في قسم علم النفس لازم يكون متخرج من القسم العلمي
و انا اتمنى ان شاء الله اكون دكتورة في الإرشاد النفسي يعني ما ابغا اكتب روشيتات وادوية بس ابغا اكون مرشدة نفسية .. أرجوكم فهموني أكتر عن هذا الشي
حبيبتي فيه فرق بين الطبيب النفسي والأخصائي النفسي
الطبيب النفسي يكون خريج قسم علمي ويدرس 4 سنين طب عام وبعدين يتخصص طب نفسي اما الأخصائي النفسي يكون خريج ادبي ويدرس في قسم علم النفس واذا تخرج يقدر يحدد هو ايش حاب يتخصص مرشد نفسي معالج نفسي والخ من التخصصات واذا تبين تكونين دكتوره لازم تكملين ماجستير وبعدها دكتوراه
ثاني شي .. الله يسعدكم .. كيف هي طبيعة المادة من حيث الدراسة والمذاكرة .. مثلا هل احتاج للحفظ طول اليوم .. ؟؟
الماده رائعه خاصه اذا حبيتيها والمهم لازم تعرفين انو مو صعبه ولا سهله لازم التركيز والتثقيف الذاتي اهم شي
ثالث شي .. كم مدة الدراسة في دا القسم .. حتى بعد شهادة البكالوريوس ان شاء الله .. يعني كم تستغرق مدة اخذ شهادة الدكتوراة والماجستير .. وكيف طبيعة الدراسة فيها ؟؟
مدة الدراسه 4 سنين سنه تحضيري و3 سنين تخصص اما بالنسبه للماجستير والدكتوراه يعتمد عليك وعلى انجازك واكيد بتاخذ وقت

رابع شي الله لا يهينكم .. ايش ممكن تكون مجالات العمل بعد الإنتهاء من هذي المادة وبعد الحصول على شهادة الدكتوراة إن شاء الله وكيف هيا طبيعة العمل فييييه ؟؟؟؟؟؟؟؟؟
بالمشتفى اخصائيه نفسيه ،او بالمصحه النفسيه او مرشده في المدارس او معلمه ( لازم تاخذين سنه تربوي ) او بدار الايتام و المجالات كثيره
الله يسعدكم أفيدووني والله ما أنساكم من دعائي
منجد أنا حابة القسم بس ما اعرف عنو ولا شي .. كدراسة :)

انا متفائلة فيكم الخير .. وانكم حتساعدووني إن شاء الله :)

شكرا لكم وجزاكم ربي جنات الفردوس الأعلى إن شاء الله .. { آمين يآآرب }
بالتوفيق أختكم .. ريمـ

اختك بنت عسير