[N-A-20]

المشاركة الأصلية كتبت بواسطة مداوي الجروح لو افترضنا اني أكسب شخص وأخسر نفسي أنا كسبته بخيار صعب وهو خسارة نفسي وأي مكسب بين خيارين مصيريين بيكون خسارة بيجي يوم وأخسره لأنه سمحلي مره أختار بينه وبين نفسي واخترته اليوم التاني بيخيرني بينه وبين شي صعب جداً أو سهل جداً بكون ضحيت بالدنيا كلها وفي الأخير بخسره كمان برغبه من نفس الشخص اللي سمح بالاختيار في هذه الحالة وبرضو لو اخترته وخسرت نفسي بتكون حياتي متعلقه بشخص واحد وهو حياته زي ماهي بالعكس زادت واحد واللي يرخص نفسه بيرخص كل الناس وقتها مابتنفع كلمة ياليت !! فـ الخيار الأول خسارة 100% عليا من كل النواحي الخيار الثاني أكسب نفسي وأخسر شخص ممكن الشخص يكون عزيز وغالي صعب أخسره بس لو كان يستاهل هذه المعزة والحب ماكان بيسمح إني أفكر بهذه الاختيارات كان من نفسه اتنازل ببساطة ولا إني أتنازل عن حياتي ونفسي وكل اللي حولي عشانه وفي حالة اخترت نفسي " وهو الأكيد " بكسب نفسي ووقتها بكسب الناس بس لو خسرت نفسي كيف أكسب الناس " فاقد الشيء لايعطيه " القرار اللي يكون متعلق بخيارين مصيريين بسبب شخص معناته الشخص هذا مشتري نفسه بالغالي وبايع كل الناس فـ مايستاهل إني أشتريه وأبيع نفسي وأعتذر ع الاطالة

كلامـــــــــــــــــــــك مزبوط..
صح احياناً اكون احب هالانسان بس لما افكر فيها انو لو خسرت نفسي اكيد حأخسر كل شيء مستحيل اخاطر..
وبعدين لو هالانسان يحبك و يستاهل ماكان خيركِ هالخيارات كان خاف ع مصلحتكـ أكثر منك..
أدري صعب تخسري اللي تحبي بس ايش تسوي فيه ناس ماتستاهل بس تجرح وماتعرف تدواي......