[الملاك الأبيض]

السلام عليكم من جديد امس اخذنا ريدينق مع ميس الاء وخلصنا تشابتر 2 ودخلنا في تشابتر 3 طبعا اهم شي في تشابتر 2 هو انو تركزوا على جزئية البارفراسينق وهي اعادة صياغة الكلام المذكور في القطعة باسلوبك وبكلماتك الخاصة وهنا طبعا راح تذكري تقريبا كل التفاصيل المذكورة في القطعه بدون اغفال اي جزئية لكن بكلماتك الخاصة .

وطبعا مهارة السومري جدا مهمة كمان
ومهارة الاوت لاينينق وهي اخذ العناوين الفرعية الي تعبر بشكل عام عن كل بارغراف .

وبالنسبة للاختبار سالناها وقالت انو راح تجيب لنا قطعتين وحدة طويلة ووحدة قصيرة وكل قطعه عليها اسئلة

هذا طبعا من غير الاسئلة الثانية اللي ممكن تجيبها فممكن مثلا تعطينا جملة او تحدد جملة من القطعة وتقول سوي لها بارافراسينق او سوي مثلا سومري للبارغراف الفلاني وهكذا . وكمان حكاية الكلمات من حيث نوعها ومعناها بالمختصر اذا اختبرتوا ريدينق 1 ريدينق 2 تقريبا على نفس المنوال .
وهنا جبت لكم ملف وورد من عمل الاخت neenap الله يسعدها
هي بصراحة نزلته في موضوع الدورة التاهيلية تبعهم الترم اللي فات بس انا لاقيت انو نفس المنهج ونفس الحل تبعنا

فنزلت لكم الملف لانو فيه حلول اسئلة تشابتر 2 . بالتوفيق للجميع



اووه صحيح قبل لاانسى بنات بسألكم لما اشتريتوا كتاب الريدينق هل جا معاه كتاب فوكابلوري لانو ابغى اتاكد ياليت تجاوبوني .