[lujain.alsagh]

بسم الله الرحمن الرحيم

السلام عليكم

وعليكم السلام ورحمة الله ..

انا بخش بالموضوع على طول زي ما انتو عارفين التسكين قرب وطبعا اغلب طلاب السنه التحضيريه وانا منهم نجهل اشياء كثيره عن التسكين<<<< وماشاء الله كل يوم نسمع اشاعه جديده عن التسكين

فارجو من الاخوان اهل الخبره يفدونا وانا عندي كم استفسار والموضوع مفتوح للجميع لاستفسار

1- سمعت انو لو واحد حط الرغبه الاولى طب والثانيه هندسه ولا انقبل في الطب واحد تاني حط الرغبه الاولى هندسه يفضلون الي حط هندسه الرغبه الاولى عن الي حطها الرغبه الثانيه حتى لو كان معدل الاول اعلى من الثاني هل الكلام هذا صحيح ولا اشاعه...؟؟؟

كل كلية تعطي عمادة القبول والتسجيل نسبه معينه نقول مثلا الهندسه اعطة 75% يدخلو هندسه
لو انت حطيت طب اول اختيار وتاني اختيار هندسه نقول لاقدر الله ما انقبلت طب
بس معدلك يدخلك هندسه راح تدخل
ولو في واحد تاني حاطت اول اختيار هندسه بس معدله مايدخله هندسه ماراح يدخل
الحكايه مو الي حط اول ولا حط تاني الحكايه هل موزونك يدخلك الكليه ولا لا؟ بس دا هوا المسلسل ..

2- كم عدد الرغبات الي نحطها ؟؟

الشباب ماشاء الله شي مرا كتيير

3-كم الفتره الي تقعد رغبات التسكين مفتوحه في الاوديس؟؟

اعتقد بحدود شهرين او شهر << اختك في الله غيرت رغبات التسكين امكن 11 مره وكل مرا اغير واحط حفظ يعني الوضع مرا عادي بيطول ويتغير زي ماتبغا ..
وبالتوفيق للجميع وان شاء الله كل طالب وطالبه ينقبل في التخصص الي في بالهم

ان شاء الله ربي يكتبلكم الخير