[T@RIQ]

المشاركة الأصلية كتبت بواسطة نبض الوفا اليوم سالناه وجلسنا على راسه لين طلع لنا كلام شوي قلنا له وش المنهج قال الكتاب ومخلص الدكتور عدنان والملخص اللي انزله بموقعي قلنا له خفف وحنا مانسمعك زين ومن هالكلام قال اذا اعتمدتوا على الملخصين كفايه وكمان قال الاختبار مايطلع عن كلامي ابداً وزي ماقلت الاسئله اختياري ومايحب الصح والخطأ اهلين ،،، هذا من جده والا يستهبل ،،، انتي عارفه انه الملخصين اكبر من الكتاب ،،، يعني لو يعطينا الكتاب احسن ،،، بعدين قوليلي ذحين هو يقول اختباري مايطلع عن شرحي ،،، طيب ياذكيه هو مايشرح من الكتاب ومايشرح من ملخص عدنان بالخيور ،،، هو يشرح من الملخص حقه فقط ،،، طيب ياحلوه على كذا احنا ليه نذاكر من الكتاب وملخص بالخيور . انا الي فهمته من كلامه ذحين ان المذاكره من الملخص حق الدكتور فقط لاغير ،،، لكن المشكله انه الى الان ماخلص ملخصه . وبعدين في حالة ماقدر يخلص ملخصه ،،، وهو بيجيب الاسئلة من شرحه ،،، فهالحاله احنا اش نسوي نذاكر من وين ،،، وكيف نعرف الي شرحه وخصوصا انه مايكتب على الصبوره (يعني مايخلينا ننقل معاه) بصراحه انا دخت من كلامي الي قلته الان فوق بعد ماقريته مره ثانيه ههههههههههه لكن انا اشوف انه لسه في كلام جديد من الدكتور لما يقرب الاختبار ،،، ومستحيل يخلينا بهالدوخه ،،، قولي ان شاء الله بس . وبالنسبه لملزمه الدكتور عدنان اعتقد نزلوها قبل هنا بالمنتدى وهو قال تقريبا في مكتبة الشقري (مو متاكده من الاسم ههه) \ واللي عنده خبر اكيد عنها يعطينا خبر ملزمة الدكتور بالخيور موضوعها بسيط موجوده بخوارزم على حسب كلام الطالب الي عندنا ،،، وممكن تكون بمكتبة الشقري (الاسم صح ) لكن مكتبة الشقري موجوده داخل الجامعه بقسم الطلاب ،،، وما اعرف اذا كان لها فرع بقسم الطالبات . الصوت طبعا كالعاده مو واضح لكن انتوا حاولوا بقدر الامكان تكتبوا معاه النقاط المهمه لاني اتوقع تكون الاسئله بنسبة 70% من كلامه وزي ماقلت انا احسه يشرح من قلب عشان كذا اسئلته بتكون شوي صعبه يعني على قد شرحه بس طول ماانها اختياري تهون شوي والله انا حاولت اكتب معاه لكن ماقدرت اكتب الى رؤؤس اقلام فقط يعني عناوين فقط ،،، لان الدكتور كلامه كثير ما شاء الله ونص الكلام اردني ،،، وماتعرفي تكتبي والا تترجمي . ومالنا الا نتفاؤل ونقول يارب ،،، يالله ان شاء الله خير يارب <<<وكالعاده ياكثر كلامي ،،، اقول استريحي بس كلامك مو اكثر مني ماشاء الله

ان شاء الله خير يارب ،،، وزي ماقلتلك صدقيني لسه في كلام ثاني ان شاء الله ،،، مستحيل يكون هذا اخر كلام عنده .

وبخصوص المواضيع الي تكلم فيها اول محاضره هي (اسباب التخلف في دول العالم الثالث ،،، اسباب داخليه واسباب خارجيه ،،، المشكله السكانيه ،،، القيم السلبيه في المجتمع ،،، اسلوب التخطيط والخطه الدراسيه)

عموما انا راح اتواصل معاكي ان شاء الله في هذا الموضوع الين نشوف اخرتها معاه

تحياتي ،،، طارق