رد: مهم للملمين بمادة الانجليزي {راح يستفيد الكل}
والله لما كنت مستوى أول كنت أذاكر أول بأول لأن اللي كانت تدرسني دكتوره نجاة الساحلي
الدكتوره ذي رائعه في الشرح ماشاء الله
تشرح بأمانه لدرجه انو خلآص يكفيك شرحها وأتحدى اذا فتحتي الكتاب وذاكرتي وقت الاختبار وانتي معاها
يعني تقدروا تقولوا لوما الله ثم هي كان انا دحين مفهيه في الانجليزي
وكمان المستوى الثاني نفس الطريقه كانت تدرسني دكتوره نائله زنقر
يابنات ايش روعه ذي الدكتوره الله يسعدها فيـــــن ماراحت
برضو من طريقة شرحها وحلها للتمارين أنا ما كنت أفتح الكتاب وقت الاختبار
لأنو خلآص ذاكرته أول بأول
اللي تعلمته منهم انو ذاكري أول بأول القاعدات والمفردات (الكلمات) وحلي تمارين أول بأول مع دكتورتك اذا كانت تحل واذا ماكانت تحل انتي بنفسك طوري نفسك أمسكي الكتاب وحلي واللي ماتعرفيه روحي أسأليها ومن فوق خشمها راح تفهمك ما راح تقولك مو ضروري والكلام هذا
وشدي حيلك وأحفظي وتوكلي على الله وربك ييسرها
|