رد: المستوى الرابع بلييييييززز:(
و عليكم السلام و رحمة الله و بركاته..
أنا السنة اللي فاتت اتكلمت عن مواضيع كثيرة..
بس اللي عجبني و حسيته عجب البنات و المس كان عن كيف الطقس يأثر على المزاج..
و في النهاية اتكلمت عن انه ده الشي غلط و انه احنا لازم ما نخلي العوامل الخارجية تأثر على مزاجنا طول اليوم..
و واحدة من صاحباتي سوت موضوع مرة حلو عن لغة الجسد..
أنا ما حضرته بس البنات كلهم مدحوه و حتى المس..
و أنا حسيت من الكلام أنه مرررة كان حلو..
و كمان اتكلمت مرة عن اليونيسيف حسيته كان مؤثر و البنات اتأثروا مرة كثير..
بالذات اني << أعوذ بالله من كلمة أنا
جلست اديهم نصايح في النهاية زي قولوا الحمد لله على النعمة لا تتذمروا من الاشياء البسيطة زي الاكل و الشرب و اللبس في ناس مو لاقية تاكل و لا عندها بيت تنام فيه و من ده الكلام..
حسيت البنات كانوا متأثرين وقتها..
و في بنت مرة اتكلمت عن حكم جابت حكم قالوها ناس مشاهير و شرحتها..
كان برضو حلو و مفيد و اتكلمت في النهاية انه الواحد لازم يتعلم من حياته و لو صار شي مو كويس يتذكر ربنا..
و انه هو اعلم بحالنا..
النسبة للمشهد المسرحي في بنتين عملوا مشهد مرررة خطيييير عن كيف مندوبين المبيعات اللي يجوا البيت يخلوا الناس غصبًا عنهم يشتروا الشغلة..
و مرة عملوا مشهد عن واحدة دوبها متخرجة و تبغى و ظيفة..
و كل ما شافت إعلان و اتصلت يقولوا لها Do you have any experience ...
تقول لهم انا دوبني متخرجة و ما يوظفوها..
بعدين عصبت و جلست ترسم و اكتشفت انه عندها موهبة الفن و عملت لعبة..
و افتتحت محل العاب اللي هو تويز ار اس..
و بعدين بعد ما كبرت الشركة حقتها دقت عليها واحدة تبغى وظيفة قامت قالت لها Do you have any experience ...
بعدين قاموا قاولوا شي زي Life twists and turns حاجة زي كدا..
بس مررررة رووعة كان..
احنا كلاسنا عمومًا السنة اللي فاتت كان مرة مبدع البرزينتيشنز اللي كانوا البنات يعملوها مرة حلوة << ما شاء الله تبارك الله..
المهم انا مرة طولت عليكم و سامحوني بروح أنام..
بالتوفيق~
|