[زيـــنـــة]

كلامك فيه شيء من الصواب ، لكن لاتنسي انو احنا في ( جامعة ) يعني تعليم أكاديمي، و المناهج المتّبَعة كلها مناهج أجنبية ، بالإضافة لـ انها عالمية !


صحيح لما نتخرج ما نستفيد من شكسبير و تاريخو ( في التوظيف ) إلا إذا كنا مدرّسات ، و لكن لا تنسي انو التاريخ مهم ، ترى صدقيني ما أدافع عن شي ، بس العالم كتلة وحدة ، يعني ضروري جدا تكوني على علم أو يكون عندك ولو مجرد خلفية بسيطة ونبذة شاملة عن شخصية أثّرت في تاريخ الأدب ,,


أعيد تاني و أقول انو ما حنستفيد من دراستنا الجامعية إلا تقوية لغتنا ، هيا مجرد مناهج ندرسها أربع سنوات ، و بعد كدا لك حرية الاختيار ، سواء تنسيها ، أو تجدديها ،،

أي جامعة و أحسن جامعة في العالم بتدرّس المواد اللي بناخدها ، يعني أكيد في لها فايدة بس يمكن انتِ مفهومك لتعلم لغة تانية في ( الجامعة ) اسمحِ لي في اضطراب ..
احنا مو في معهد ، ولا في دورة صيفية ، انتِ طالبة تدرس عشان تتخرج بدرجة بكالوريوس ، أما إذا كان على متطلبات الوظايف بالنسبة لـ اللغة ، فـ يا كتر المعاهد و الدورات و العروض ، بس انتِ اختاري !

إذا كنتِ حابة تكوني على معرفة كبيرة بعلوم اللغة و أصولها لابد من انك تدرسيها دراسة أكاديمية ، مو ( سطحية ) زي اللي في المعاهد الناشئة في الآونة الأخيرة ، أو الكتب التجارية اللي تحتوي على كلمات ياخدوها الأطفال في الحضانة ! ,,

أتمنى تتقبلي وجهة نظري برحابة ، و أنا زيي زيك ، و كلنا زميلات في نفس القسم ، و لكن لابد نكون فخورات ، لأنو زي ما انتِ شايفة القبول سار محدود ، يعني نقول الحمدلله على اللي احنا فيه ،،