المثل يقول الي يده في النار مو زي الي يده في الموية ..
الأخة عباطة انتا حكمت ع الوضع من المنبر الي تشوف منه إلا و هو التلفزيون و فقط
روح مصر و شوف أهلها كيف عايشين و بعدين تعال قول أنا ضد الي صار .
روح شوف كيف الشباب في قوته و شدته يدوّر على وظيفة ب 10 جنيه عشان يشرتي عيش و يآكله حاف
لا أذكر أن المواطن المصري كان مستواه المادي والاقتصادي وحر يعبر بما يريده قبل مبارك
|
هذا السطر الي كتبته يدل دلالة تامة انك ما تعرف عن مصر أي شي
ارجع للتاريخ و شوف كيف كانت مصر و شوف دحين كيف صارت
ارجع قبل 30 سنة و شوف كم كان الجنيه المصري مقارنة بالريال السعودي
يا حبيبي كان الجنيه المصري الواحد يسوى 15 ريال سعودي
ودحين الجنيه وصل لأقل من الريال الواحد !!!!!
و تقولي ما اذكر مستواه المواطن المصري اقتصاديا و ماديا قبل مبارك ..
أساسا كيف تبغى تتذكر و هذا الشي يفوق عمرك يا عزيزي ؟