[الشاي الأخضر]

أخي العزيز... والله قريت كلامك عدة مرات !! واعجبت بتفكيرك وقلت لازم أرد !
نفسي أفهم مين ركب في راسك موضوع الصين ! هو صح تفكيرك سابق واقعنا بمراحل وأنا أقدر اللي يفكر للمستقبل ... بس عيشني دحين وخلي بكره على الله !!
المهم ... دراسة إدارة الأعمال تحتاج مواد فيها حسابات (عملي) موضوع اللغة يجي بعدين ... واللغة الأولى في مجال الأعمال هي الانجليزية ولو قدرت تروح بريطانيا أو أمريكا (أهل الخبرة والإدارة) وتجيب ماستر من هناك يكون أفضل بكثير وله قيمة كبيرة في السوق السعودي والخليجي (دبي يا لبى قلبي)!!
تعرف ربعنا يحبون الفرنجه ( لأن الصيني لو طاح ينكسر!!)
أما إذا كنت تبغى تكون مترجم صيني إنجليزي فرنسي ... ممكن ليش لا ... بس لن تكون قيادي في شركات الأعمال إلا بماستر قوي.. لأنها تحتاج لأدوات علمية وعملية وتجار عالمية!
على فكره ترى الصينيييييين يدرسون في أمريكا وبريطانيا بكثرة !!
وهذا رأي المتواضع وأتمنى لك التوفيق.. وسلامتك..